इतर कविता-(क्रमांक-82)-स्वप्नात येते ती पोरगी दररोज

[Atul Kaviraje]

                                       इतर कविता 
                                      (क्रमांक-82)
                                     -------------

मित्र/मैत्रिणींनो,

     "इतर  कविता"  अंतर्गत  मी  इतर  कवींच्या  कविता  आपणापुढे  सादर  करीत आहे .

                              स्वप्नात येते ती पोरगी दररोज
                             -------------------------

स्वप्नात येते ती पोरगी दररोज
आणि मग डोक्याला ताप आहे

आल्या तश्या किती तरी पोरी आयुष्यात
तपस्या भंग करायची काय कोणाची टाप आहे
पण काय सांगू मित्रांनो
ह्याच मुली वर मेनकेची छाप आहे

निम्म्या झोपेत बरळतो ,दचकून जागतो
भरला अंगाला नुसता काप आहे
इकडे तिकडे चोहिकडे दिसे ती
हा काय प्रेमाचा मला शाप आहे

शेवटी भेटलो एकदा प्रियतमेला
आळावले मी माझ्या तिलोत्मेला
पळवून न्यायला निम्म्या रात्री गेलो धीर धरून
तर दारात उभे तिचे आई बाप आहे

आज नांदतो आहे आम्ही सुखाने पण काय सांगू
स्वप्नातच काय दिवसा पण तिचा मला ताप आहे

--कुदळ विजय
-------------
--संकलक-सुजित बालवडकर
--------------------------

                 (साभार आणि सौजन्य-मराठीकविता.वर्डप्रेस.कॉम)
                --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-21.12.2022-बुधवार.