मला आवडलेल्या चारोळ्या-चारोळी क्रमांक-157

[Atul Kaviraje]

                                मला आवडलेल्या चारोळ्या
                                  चारोळी क्रमांक-157
                               -----------------------

मित्र/मैत्रिणींनो,

     --नवं-चारोळीकाराने  या  गुलाबी  थंडीत  प्रेमी-प्रेमिकांचे  वर्तन  कसे  असावे  याचे  लाजवाब  वर्णन  केले  आहे . त्याच्या  चारोळीतील  प्रियकर  आपल्या  प्रेयसीस  म्हणतोय . प्रिये , आज  कालच्यापेक्षा  जरा  जास्त  थंडी  पडली  आहे . आजच  काय  गेल्या  कित्येक  वर्षात  अशी  थंडी  आपण  अनुभवली  नव्हती . एक  निमित्त  मला  मिळालेय , की  या  गुलाबी  थंडीत तुझ्या  अधिक  जवळ  यावे , तुला  बिलगावे , तुला  घट्ट  मिठी  मारावी , तुझ्या  कुशीत  शिरून  प्रेम-गीत  गावे . अन  असे  करता-करता , तुझा  भरगच्च  कृष्ण-कुंतल  बुचडा  सोडवून  त्यात  मनसोक्त  हात  फिरवावेत . त्या  तलम , रेशमी , मुलायम , काळ्याभोर  केश-संभारात  खोल  खोल  बुडून  जावे . आणि  या  प्रेमाच्या  वाढत्या  धगीत  अजून  हरवत  जाऊन  तुझ्या  काळ्याभोर  टपोऱ्या  डोळ्यातून  तुझ्या  मनाचा  वेध  घ्यावा . तुझे  सखोल  अंतरंग  पाहावे . त्यात  समरस  होऊन  जावे . आणि  ही  जी  इच्छा  केलीय  ती  परमेश्वराने  खरी  करावी , हेच  त्याच्याकडे  माझे  मागणे  आहे , त्याला  प्रार्थना  आहे .

=====================
गुलाबी थंडीत, तुझ्या कुशीत शिरावे,
काळ्याभोर केशसंभारात हात गुंफावे,
तुझ्या टपोऱ्या डोळ्यात हरवून जावे,
देवाजवळ एकच प्रार्थना, हे सगळे खरे व्हावे
=====================
 
नवं-चारोळीकार
--------------

               (साभार आणि सौजन्य-संदर्भ-मन माझे.ब्लॉगस्पॉट.कॉम)
              -------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-22.12.2022-गुरुवार.