आनंदी नाताळ-ख्रिसमस-कविता-1

[Atul Kaviraje]

                                 आनंदी "नाताळ-ख्रिसमस"
                                ------------------------

मित्र/मैत्रिणींनो,

     आज २५.१२.२०२२, रविवार, नाताळचा पावन दिवस आहे. जोसेफ आणि मेरी यांचा सुपुत्र, देवाचा प्रेषित प्रभू येशू याचा जन्म दिवस. मराठी कवितेच्या माझ्या सर्व ख्रिस्ती भाऊ-बहिणींना, "नाताळ-ख्रिसमस" -च्या हार्दिक शुभेच्छा. चला तर ऐकुया नाताळाच्या काही आनंदी कविता-

                                    सण नाताळाचा...
                                   ----------------

रंगीबेरंगी सण नाताळाचा
आप्तेष्टांना भेटायला जाऊ
नाताळ वृक्षाला सजवून
लहान मुलांना वाटूया खाऊ                                 

जोसेफ - मेरीचा पुत्र येशू
२५ डिसेंबरला जन्मला
प्रभू येशूच्या जन्मदिवशी
शांतीचा संदेश देऊया जगाला

सांताक्लाॅज आला भेटायला
लहान मुलांना देतो शुभेच्छा
वेगवेगळी खेळणी, खाऊ देऊन
लहान मुलांच्या पूर्ण करतो इच्छा

झिरमिळ्यांनी सजला नाताळ वृक्ष
नाताळ सण आनंदाचा उत्सव
एकमेकांना शुभेच्छा देऊन
साजरा करू जल्लोषाचा महोत्सव

चर्चला करूनी रोषणाई
शांततेची मेणबत्ती पेटवूया
नाताळच्या या पवित्र दिवशी
प्रभू येशूला आपण स्मरूया

--उमा पाटील
(Tuesday, December 25, 2018)
-----------------------------------

          (साभार आणि सौजन्य-संदर्भ उमा पाटील क्रिएशन ब्लॉगस्पॉट.कॉम)
         ----------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-25.12.2022-रविवार.