आनंदी नाताळ-ख्रिसमस-कविता-3

[Atul Kaviraje]

                                आनंदी "नाताळ-ख्रिसमस"
                               ------------------------

मित्र/मैत्रिणींनो,

     आज २५.१२.२०२२, रविवार, नाताळचा पावन दिवस आहे. जोसेफ आणि मेरी यांचा सुपुत्र, देवाचा प्रेषित प्रभू येशू याचा जन्म दिवस. मराठी कवितेच्या माझ्या सर्व ख्रिस्ती भाऊ-बहिणींना, "नाताळ-ख्रिसमस"-च्या हार्दिक शुभेच्छा. चला तर ऐकुया नाताळाच्या काही आनंदी कविता-

                                      "नाताळ"
                                     ---------

खूप आवडता सण
येशूच्या जन्माचा
हाच आनंदी क्षण

नाताळसाठी बनवू
ख्रिसमस ट्री छान
जिंगलबेल जिंगलबेल
गाऊया मस्त गाणं

रात्रीच्या वेळी जेंव्हा
रमून जाईन स्वप्नी
नाताळबाबा आणेल
खूप सारी खेळणी

डोक्यावर लाल टोपी
दाढी शोभे पांढरी
नाव दुजे सांताक्लाॅज
दोस्त आमचा भारी

सांताक्लाज ऐक ना
घरी माझ्या रे ये ना
रात्रीच्या वेळी मला
खूप खेळणी दे ना

मेरी ख्रिसमस म्हणत
देईन तुला मी शुभेच्छा
वाट तुझी पाहीन दोस्ता
पुर्ण कर ना माझी इच्छा !!

--स्मिता मुरली
-------------

                     (साभार आणि सौजन्य-संदर्भ-स्टोरी मिरर.कॉम)
                    -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-25.12.2022-रविवार.