मला आवडलेल्या चारोळ्या-चारोळी क्रमांक-161

[Atul Kaviraje]

                                मला आवडलेल्या चारोळ्या
                                  चारोळी क्रमांक-161
                              ------------------------

मित्र/मैत्रिणींनो,

     --नवं-चारोळीकाराने  या  चारोळीत  त्या  प्रियकराच्या  प्रेयसीचे  या   थंडीतील  मनोगत  येथे  रंगविले  आहे . ती  आपल्या  प्रियकराला  लाडीकपणे  म्हणतेय , साजणा , पहा  बाहेर   कशी  थंडी  पडली  आहे . गार  वारा  अंगी  झोम्बत  असल्यामुळे  आपण  आत  आलोय  खरे , पण  माझी  थंडी   काही  जात  नाही  बघ . माझ्या  तनूवर  या  गार  बोचऱ्या  थंड  वाऱ्यामुळे  कशी  शिरशिरी  येत  आहे , रोमांच  फुलले  आहे . मला  आता  ऊबेची  गरज  आहे , जेणेकरून  ही  थंडी  दूर  पळेल . आणि  यासाठी  मला  तुझ्या  उबदार , प्रेमळ , हव्याहव्याश्या  मिठीची  आस  आहे , जी  फक्त  माझी  थंडी  दूर  पळवू  शकेल . आणि  येथेच  मला  खूप  संकोच  होत  आहे . तुला  हे  कसं  सांगू  याचीच  लाज  माझ्या  मनाला  येत  आहे . तुझ्या  उबदार  मिठीत  माझी  थंडी  दूर  पळेल , हे  तुला  कसं  सांगायचं  तेच  मला  कळत  नाहीय , मनाचे  धारिष्ट्य  होत  नाहीय . 

==============
झोंबते ही  गार हवा
बघ कसा माझ्या तनी.
सांगु कसे साजणा तुजला
मज आता लाज येते मनोमनी.
==============

नवं-चारोळीकार
--------------

               (साभार आणि सौजन्य-संदर्भ-मन माझे.ब्लॉगस्पॉट.कॉम)
              -------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-26.12.2022-सोमवार.