मला आवडलेल्या चारोळ्या-चारोळी क्रमांक-162

[Atul Kaviraje]

                                मला आवडलेल्या चारोळ्या
                                  चारोळी क्रमांक-162
                               -----------------------

मित्र/मैत्रिणींनो,

     --नवं-चारोळीकार  अजून  एक  या  थंडीची  कहाणी  आपणास  सांगत  आहे . खूप  थंडी  पडली  आहे . वातावरणात  गारवा  कसा  ओथंबून  राहिला  आहे . गारवा  सारीकडे  भरून  राहिला  आहे . हेच  ती  प्रेयसी  आपल्या  प्रियकरास  सांगत  असावी . ती  त्याला  म्हणतेय , हा  गारवा , अंगाला  बोचणारा  गार  वारा  ही  थंडीची  काकडता , कुडकुडी , हुडहुडी  सांगून  जात  आहे . मी  या  थंडीला  पुरेपूर  ओळखून  आहे . उबेची  नामो-निशाणी  मात्र  कुठेच  नाही . या  वेळी  तू  जवळ  असावास , तुझा  उबदार  स्पर्श  मला  हवाय , तुझी  उबदार  मिठी  मला  हवीय , जेणेकरून  माझी  थंडी  दूर  पळेल , आणि  तुझ्या  मिठीत  सामावतI   सामावतI  माझी  थंडी  जाऊन , आपले  प्रेमही  वृद्धिंगत  होईल . पण  यंदाची  थंडी  इतकी  जोरदार  आहे , तिचा  जोर  इतका , तिचा  गारवा  इतका  वाढला  आहे  , की  तुझ्या   उबदार  मिठीतही  मला  ती  धग  जाणवत  नाहीय . जणू  काही  या  थंडीने  अतिक्रमण  करून  आपल्या  शरीरातील  ही  उबही  शोषून  घेतली  असावी . या  उबेलाही  या   गार  वाऱ्यांनी  अक्षरशः  विझवून  टाकले  आहे . या  उबेचा , उष्णतेचा  या  थंडीमुळे  काहीच  परिमाण  होत  नाहीय .

===============
ओथंबलेला गारवा सांगुनी गेला
मज काही सारे...
तुझ्या उबदार स्पर्शालाही
भिजुनी टाकतात हे गार वारे.!!
===============

नवं-चारोळीकार
--------------

               (साभार आणि सौजन्य-संदर्भ-मन माझे.ब्लॉगस्पॉट.कॉम)
              -------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-27.12.2022-मंगळवार.