सुधीर फडके-कुठे शोधिसी रामेश्वर अन कुठे शोधिसी काशी

[Atul Kaviraje]

                     "काही गाणी आठवणीतली, काही साठवणीतली !"
                    -------------------------------------------

मित्र/मैत्रिणींनो,

     आज ऐकुया, "काही गाणी आठवणीतली, काही साठवणीतली !" या गीत-मालिके -अंतर्गत, श्री सुधीर फडके यांनी गायिलेले एक गीत. या गीताचे शीर्षक आहे- "कुठे शोधिसी रामेश्वर अन कुठे शोधिसी काशी"

                      "कुठे शोधिसी रामेश्वर अन कुठे शोधिसी काशी"
                     -----------------------------------------

कुठे शोधिसी रामेश्वर अन कुठे शोधिसी काशी
हृदयातील भगवंत राहीला, हृदयातून उपाशी

झाड फुलांनी आले बहरुन, तू न पाहीले डोळे उघडून
वर्षाकाठी पाऊस धारा, तुला न दिसला त्यात इशारा
काय तुला उपयोग आंधळ्या, दीप असून उशासी
कुठे शोधिसी रामेश्वर अन कुठे शोधिसी काशी
हृदयातील भगवंत राहीला, हृदयातून उपाशी

रुद्राक्षांच्या गळ्यात माळा, लाविलेस तू भस्म कपाळा
कधी न घेऊन नांगर हाती,पिकविलेस मातीतून मोती
हाय अभाग्या भगवे नेसून घर सन्यासून जाशी
कुठे शोधिसी रामेश्वर अन कुठे शोधिसी काशी
हृदयातील भगवंत राहीला, हृदयातून उपाशी

देव बोलतो बाळ मुखातून, देव डोलतो उंच पिकातून
कधी होऊनी देव भिकारी, अन्नासाठी आर्त पुकारी
अवती भवती असून दिसेना, शोधितोस आकाशी
कुठे शोधिसी रामेश्वर अन कुठे शोधिसी काशी
हृदयातील भगवंत राहीला, हृदयातून उपाशी

============
गायक :सुधीर फडके
गीत : मंगेश पाडगांवकर
संगीत : यशवंत देव
============

--प्रकाशक : शंतनू देव
(MONDAY, MARCH 7, 2011)
-------------------------------

                 (साभार आणि सौजन्य-माणिक-मोती.ब्लॉगस्पॉट.कॉम)
                            (संदर्भ-♫ गाणीमराठी.com ♫♪)
                -----------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-27.12.2022-मंगळवार.