इतर कविता-(क्रमांक-89)-अशीच यावी वेळ एकदा

[Atul Kaviraje]

                                       इतर कविता 
                                      (क्रमांक-89)
                                     -------------

मित्र/मैत्रिणींनो,

     "इतर  कविता"  अंतर्गत  मी  इतर  कवींच्या  कविता  आपणापुढे  सादर  करीत आहे .

                                  अशीच यावी वेळ एकदा
                                 ----------------------

अशीच यावी वेळ एकदा स्वप्नी देखील नसताना
असे घडावे अवचीत् काही तुझ्या समीप असताना

अशाच एका संध्याकाळी एकांताची वेळ अचानक
जवळ् नसावे चिट्ट्पाखरु केवळ् तुझी न् माझी जवळीक

संकोचाचे रेशीम पडदे हा हा म्हणता विरुन जावे
समय सरावा मंदगतीने अन प्रितेचे सुर जुळावे

मी मागावे तुझीयापाशी असे काहीसे निघताना
उगीच करावे नको नको तु हवेहवेसे असताना

शब्दावाचुन तुला कळावे गुज मनी या लपलेले
मुक्तपणे तु उधळुन द्यावे जन्मभरीचे जपलेले....

– सौमित्र (गारवा)
----------------
--संकलक-सुजित बालवडकर
--------------------------

                  (साभार आणि सौजन्य-मराठीकविता.वर्डप्रेस.कॉम)
                 --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-28.12.2022-बुधवार.