शिवरायांचा पाळणा-गुणी बाळ असा जागसि का रे वांया

[Atul Kaviraje]

                     "काही गाणी आठवणीतली, काही साठवणीतली !"
                    -------------------------------------------

मित्र/मैत्रिणींनो,

     आज ऐकुया, "काही गाणी आठवणीतली, काही साठवणीतली !" या गीत-मालिके -अंतर्गत, एक शिवरायांचा पाळणा. या पाळण्याचे शीर्षक आहे- "गुणी बाळ असा जागसि का रे वांया"

                            "गुणी बाळ असा जागसि का रे वांया"
                           ---------------------------------

गुणी बाळ असा जागसि का रे वांया | नीज रे नीज शिवराया

अपरात्री प्रहर लोटला बाई | तरि डोळा लागत नाही ||
हा चालतसे चाळा एकच असला | तिळ उसंत नाही जिवाला ||
निजयावयाचा हरला सर्व उपाय | जागाच तरी शिवराय ||

चालेल जागता चटका
हा असाच घटका घटका
कुरवाळा किंवा हटका
का कष्टविसी तुझी सांवळी काया | नीज रे नीज शिवराया ||१ ||

ही शांत निजे बारा मावळ थेट | शिवनेरी जुन्नर पेठ ||
त्या निजल्या ना तशाच घाटाखाली | कोकणच्या चवदा ताली ||
ये भिववाया बागुल तो बघ बाळा | किति बाई काळा काळा ||

इकडे हे सिद्दीजवान
तो तिकडे अफझुलखान
पलिकडे मुलूख मैदान
हे आले रे तुला बाळ धराया | नीज रे नीज शिवराया || २ ||

==================
गीत -राम गणेश गडकरी 'गोविंदाग्रज'
संगीत - पं. हृदयनाथ मंगेशकर
==================

--प्रकाशक : शंतनू देव
(FRIDAY, MARCH 4, 2011)
-----------------------------

                  (साभार आणि सौजन्य-माणिक-मोती.ब्लॉगस्पॉट.कॉम)
                            (संदर्भ-♫ गाणीमराठी.com ♫♪)
                 -----------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-29.12.2022-गुरुवार.