नवं-वर्ष-२०२३-कविता-5-2022 वर्षास विनवणी

[Atul Kaviraje]

                                    "नवं-वर्ष-२०२३"
                                   ---------------

मित्र/मैत्रिणींनो,

     चला, सर्वांनी गत-वर्ष-२०२२, ला बाय-बाय करूया, आणि नवं-वर्ष-२०२३-चे जल्लोषात, उत्साहात स्वागत करूया. मराठी कवितेच्या माझ्या सर्व कवी-कवयित्री भाऊ-बहिणांना हे नवं-वर्ष-२०२३, सुखाचे,समृद्धीचे,भरभराटीचे,नवं-संकल्प-पूर्णत्त्वाचे जावो, हीच सदिच्छा. वाचूया, २०२३ च्या काही कविता--

                                   "2022 वर्षास विनवणी"
                                  ----------------------

*हे 2022 वर्षा......*

*सुरवाती पासूनच तू घेत गेलास, मी देत गेले.*

*देण्याची इतकी सवय झाली कि*

*देता देता जीवनातील एक वर्षच काय,*

*तुला मी माझं सर्वस्व दिलं.*

*शेवटच्या दिवसा पर्यंत तू लढत राहिलास*

*मी झुंजत राहिले.*

*वर्ष भर तुझ्या मर्जीने चालत राहिले.*

*चालता चालता जगण्याचे नवे बळ मिळाले.*

*अं.. हं...*

*तू सर्वस्व नेलेस तक्रार नाही माझी.*

*माझे हात शाबूत ठेवलेस ही मेहरबानी तुझी.*

*जाता जाता-- आग्रह नाही पण बघ* ,

*जमलंच तर एक कर....*

*वर्षभर दिलेल्या जखमांवर मार फुंकर.*

*निरोप घेतांना मात्र*

*2023 ला एक सांग कानात*

*तू तरी वाग बाबा जरा प्रेमात*

*वर्षभर चालले मी तुझ्या मर्जीने*

*पण चालू दे ना गड्या,*

आता दोन चार पावले माझ्या मर्जीने.*

*चालेल मी नव्या दशकाची नवी वाट*

*नव्या आशेच्या नव्या स्वप्नाची प्रसन्न पहाट.*

*नव्या वर्षाचा तेजस्वी भास्कर*

*अधिक प्रकाशमान व्होवो*

*आपल्या सर्वांना नव वर्ष सुखाचे जावो.*

--अंजना भंडारी
--------------

                        (साभार आणि सौजन्य-संदर्भ-स्टोरी मिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-01.01.2023-रविवार.