" माय "

[Manjusha Nalwade]

         

   हंबरून वसराले चाटती जवा गाय
   तवा मले तिच्यामंधी दिसती माझी माय

  आयाबाया सांगत व्ह्त्या व्हतो जवा तान्हा
   दुस्कलात मायेचे माझा  आट्ला व्हता पान्हा
   पिठामंधी पानी टाकुन मले पाजत  जाय
    तवा मले  पिठामंधी दिसती माझी माय

  दारू पिउन मायेले मरी जवा माझा बाप
   थरथर कापे अन लगे तिले धाप
  कसयाच्या दावनिला बांधली जाशी गाय
   तवा मले  गायिमंधी  दिसती माझी माय   
   
  बोलता बोलता एकदा तिचे डोळा आल पानी
  सांग म्हणे रजा तुझी कव दिसल रानी
  भरल्या डोल्यान कवा पाहिल दुधावरची साय
  तवा मले  सायीमंधी दिसती माझी माय

  म्हणून म्हणतो आनंदान भरावी तुझी वटी
  पुन्हा एकदा जलम घ्यावा माया तुझे पोटी
    पुन्हा एकदा आनंदान धराव तुझ पाय
तवा मले  पयामंधी  दिसती माझी माय

                                -नारायण सुर्वे       

[raje94]

very nice poem.

[amoul]

thaks for posting!!

[aspradhan]

Very nice!