मला आवडलेल्या चारोळ्या-चारोळी क्रमांक-178

[Atul Kaviraje]

                                मला आवडलेल्या चारोळ्या
                                  चारोळी क्रमांक-178
                               -----------------------

मित्र/मैत्रिणींनो,

     --प्रेम  कसे  असावे , याची  अनेक  सुंदर  उदाहरणे  देता , चारोळीकार  या  चारोळीतून  म्हणतोय , प्रेम  निःशब्द  असावे . ते  न  बोलताही , एकही  शब्द  न  उच्चारताही , केवळ  नजरेच्या  भाषेने  समोरील  व्यक्तीला  कळावे . पुढे  जाऊन  तो  म्हणतोय , प्रेम  केवळ  सावलीत  साथ  देऊन  कामाचे  नाही , तर  उन्हाच्या  झळातही  ते  सावलीचाच  भास  देऊन  जाते . म्हणून  प्रेमाने  उन्हातही  साथ  सोडू  नये . शेवटी  तो  सांगतोय , की  सुख  दुःख  तर  ही  जीवनाची  दोन  चाके  म्हणायला  हरकत  नाही . कधी  सुख येते , तर  कधी  दुःख  येते . म्हणून  प्रेमाने  केवळ  सुखातच  साथ  देऊ  नये , तर  दुःखात  साथ  देण्यासही  ते  नेहमीच  अग्रेसर  असावे . एकंदरीत  चारोळीकाराने  प्रेमाचे  जे  भाव  सांगितले  आहेत , ते   सारेच  हृदयस्पर्शी  आहेत .

=================================
💝 "असे असावे प्रेम केवळ शब्दानेच नव्हे तर नजरेने समजणारे...
असे असावे प्रेम केवळ सावलीतच नव्हे उन्हात साथ देणारे...
असे असावे प्रेम केवळ सुखातच नव्हे तर दु:खातही साथ देणारे... "💘
=================================

--नवं-चारोळीकार
----------------

                  (साभार आणि सौजन्य-संदर्भ-क्रिएटर मराठी.कॉम)
                 --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-12.01.2023-गुरुवार.