II शुभ मकर संक्रात II-कविता-3-मकर संक्रांत..!

[Atul Kaviraje]

                                   II शुभ मकर संक्रात II
                                  ---------------------

मित्र/मैत्रिणींनो,

     आज दिनांक-१५.०१.२०२३ आहे. आजचा शुभ दिवस "मकर-संक्रांति" चा पुण्य-पर्व घेऊन आला आहे. सूर्यनारायणाचे याच दिनी मकर राशीत संक्रमण होत असते. देशभरात हा सण विभिन्न नावाने साजरा केला जातो. या दिवशी तिळाच्या आणि गुळाच्या पदार्थांना विशेष महत्त्व असते. चला तर या, सर्वांनी मिळून "तिळगुळ  घ्या  गोड  गोड  बोला" म्हणूया. आपली सारी भांडणे, हेवे-दावे मिटवून एक होऊया, एक राहूया. मराठी कवितेच्या माझ्या सर्व भाऊ-बहीण, कवी-कवयित्रींनI मकर संक्रांतीच्या खूप खूप हार्दिक शुभेच्छा. ऐकुया तर मकर संक्रांतीच्या काही गोड कविता, ज्यांचा स्वाद आपल्या जिभेवर वर्षभर घोळत राहील.

                                    "मकर संक्रांत..!"
                                   ----------------

मकर संक्रांत
संस्कृती भारतीय
नटली सणांनी

महाराष्ट्रीय
सण आला
तो काय
गोड
हो !

सूर्याचे संक्रमण
मकर राशीत
उत्तरायण
सुरू होते

सुदिन
आज
हा !

नववर्षाचा सण
मकर संक्रांत

सौभाग्य वाण
देती घेती
सवाष्ण

छान
तो !

पतंग बाजी खेळ
रंगतोच मस्त

बाल गोपाळ
आनंदाचा
हा मेळ
बघू
या !

देते मनापासून
तिळगुळ लाडू

गोड हासून
आनंदाने
बोलून
देते
हो !

--प्रशांत शिंदे
------------
 
                        (साभार आणि सौजन्य-संदर्भ-स्टोरी मिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-15.01.2023-रविवार.
=========================================