आशा भोसले-सांज ये गोकुळी, सावळी सावळी

[Atul Kaviraje]

                    "काही गाणी आठवणीतली, काही साठवणीतली !"
                   -------------------------------------------

मित्र/मैत्रिणींनो,

     आज ऐकुया, "काही गाणी आठवणीतली, काही साठवणीतली !" या गीत-मालिके -अंतर्गत, श्रीमती आशा भोसले यांनी गायिलेले एक गीत. या गीताचे शीर्षक आहे- "सांज ये गोकुळी, सावळी सावळी "

                           "सांज ये गोकुळी, सावळी सावळी"
                          -------------------------------

सांज ये गोकुळी, सावळी सावळी
सावळ्याची जणु, सावली..

धुळ ऊडवीत गाई निघाल्या
शाम रंगात वाटा बुडाल्या
परतती त्या सवे
पाखरांचे थवे
पैलघंटा घुमे राउळी
सांज ये गोकुळी..

पर्वतांची दिसे दुर रांग
काजळाची जणु दाट रेघ
होई डोहातले चांदणे सावळे
भोवती सावळ्या चाहुली
सांज ये गोकुळी...

माउली सांज अंधार पान्हा
विश्व सारे जणु होई कान्हा
मंद वार्‍यावरी वाहते बासरी
अमृताच्या जणु ओंजळी.
सांज ये गोकुळी...

==========
गीत - सुधीर मोघे
संगीत -श्रीधर फडके
स्वर - आशा भोसले
==========

--प्रकाशक : शंतनू देव
(MONDAY, FEBRUARY 14, 2011)
------------------------------------

                 (साभार आणि सौजन्य-माणिक-मोती.ब्लॉगस्पॉट.कॉम)
                           (संदर्भ-♫ गाणीमराठी.com ♫♪)
                -----------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-17.01.2023-मंगळवार.
=========================================