श्रवणीय मराठी गाणी-उठी उठी गोपाला

[Atul Kaviraje]

                                  "श्रवणीय मराठी गाणी"
                                 ---------------------

मित्र/मैत्रिणींनो,

     आज ऐकुया,"श्रवणीय मराठी गाणी" या गीत-मालिके-अंतर्गत, एक गाणे. या गाण्याचे बोल आहेत- "उठी उठी गोपाला"

                                   "उठी उठी गोपाला"
                                  ------------------

मलयगिरीचा चंदनगंधित धूप तुला दाविला
स्वीकारावी पूजा आतां उठी उठी गोपाला

पूर्व दिशेला गुलाल उधळून ज्ञानदीप लाविला
गोरस अर्पुनि अवघें गोधन गेलें यमुनेला
धूप-दीप-नैवेद्य असा हा सदुपचार चालला
स्वीकारावी पूजा आतां उठी उठी गोपाला

रांगोळ्यांनीं सडे सजविले रस्त्यारस्त्यांतुन
सान पाउलीं वाजती पैंजण छुन छुन छुनछुन
कुठें मंदिरीं ऐकूं येते टाळांची किणकिण
एकतानता कुठें लाविते एकतारिची धून
निसर्ग-मानव तुझ्या स्वागता असा सिद्ध जाहला
स्वीकारावी पूजा आतां उठी उठी गोपाला

राजद्वारीं झडे चौघडा शुभःकाल जाहला
सागरतीरीं ऋषिमुनींचा वेदघोष चालला
वन वेळूंचे वाजवी मुरली छान सूर लागला
तरुशिखरावर कोकिलकविनें पंचम स्वर लाविला
स्वीकारावी पूजा आता उठी उठी गोपाला

==========================
Song Credits:--
Song: Uthi Uthi Gopala
Album: Dev Deenaghari Dhavala -Drama
Artist: Pt. Kumar Gandharva, Chorus
Music Director: Vasant Desai
Lyricist: Bal Kolhatkar
Label- Saregama India Limited
==========================

--lkadmin
(August 17, 2022)
---------------------

                      (साभार आणि सौजन्य-संदर्भ-लैरिकस कट्टा.कॉम)
                     -------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-19.01.2023-गुरुवार.
=========================================