अरुण दाते-धुके दाटलेले उदास उदास

[Atul Kaviraje]

                   "काही गाणी आठवणीतली, काही साठवणीतली !"
                   -------------------------------------------

मित्र/मैत्रिणींनो,

     आज ऐकुया, "काही गाणी आठवणीतली, काही साठवणीतली !" या गीत-मालिके -अंतर्गत, श्री अरुण दाते यांनी गायिलेले एक गीत. या गीताचे शीर्षक आहे- "धुके दाटलेले उदास उदास"

                             "धुके दाटलेले उदास उदास"
                            --------------------------

धुके दाटलेले उदास उदास
मला वेढिती हे तुझे सर्व भास

उभी मूक झाडे, विरागी किनारा
झुरे अंतरी अन्‌ फिरे आर्त वारा
कुणीही न येथे दिसे आसपास
धुके दाटलेले उदास उदास

कुठे चालल्या या दिशाहीन वाटा ?
कुणा शोधिती या उदासीन लाटा ?
दिशांतून दाटे तुझा एक ध्यास
धुके दाटलेले उदास उदास

क्षणी भास होतो तुझे सूर येती
जिवा भारुनी हे असे दूर नेती
स्मृती सोबतीला असा हा प्रवास
धुके दाटलेले उदास उदास

===========
स्वर्-अरुण दाते
संगीत्-यशवंत देव
गीत-मंगेश पाडगावकर
===========

--प्रकाशक : शंतनू देव
(TUESDAY, FEBRUARY 8, 2011)
-----------------------------------

                  (साभार आणि सौजन्य-माणिक-मोती.ब्लॉगस्पॉट.कॉम)
                             (संदर्भ-♫ गाणीमराठी.com ♫♪)
                 -----------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-25.01.2023-बुधवार.
=========================================