II २६ जानेवारी-प्रजासत्ताक दिन II-कविता-1

[Atul Kaviraje]

                              II २६ जानेवारी-प्रजासत्ताक दिन II
                            ---------------------------------

मित्र/मैत्रिणींनो,

     आज दिनांक-२६.०१.२०२३-गुरुवार. आपल्या भारत देशाचा प्रजासत्ताक दिन.
२६ जानेवारी १९५० रोजी या दिवशी संविधान लागू करण्यात आले, ज्याची अनेक कारणे होती. देश स्वतंत्र झाल्यानंतर २६ नोव्हेंबर १९४९ रोजी संविधान सभेने राज्यघटना स्वीकारली. त्याच वेळी २६ जानेवारी १९५० रोजी लोकशाही शासन प्रणालीसह संविधान लागू करण्यात आले. या दिवशी भारताला पूर्ण प्रजासत्ताक घोषित करण्यात आले. मराठी कवितेच्या माझ्या सर्व भाऊ-बहीण कवी-कवयित्रीस प्रजासत्ताक दिवसाच्या हार्दिक शुभेच्छा. ऐकुया, या दिवसाच्या काही कविता.

                               " प्रजासत्ताक दिन शुभेच्छा"
                              -------------------------

मुक्त राहुनी जगतो आम्ही

हा आमचा अभिमान

संविधानास देतो आम्ही

सर्वोच्च इथे सन्मान


अनेक जाती अन अनेक धर्म

इथे सुखाचे राहणीमान

एकजीव होउनी जीवन जगती

हा जगी बहुमान


स्नेह सहिष्णुता अंगी बाणवून

आनंदी करतो गुजराण

एक मेकास समजूनी

वसवितो हृदयी एकीची जाण


प्रजासत्ताक दिनाच्या शुभेच्छा

देतो राखून सर्वांचा मान

हीच आपल्या देशाच्या

प्रजासत्ताक दिनाची आगळी शान....!

--प्रशांत शिंदे
------------

                       (साभार आणि सौजन्य-संदर्भ-स्टोरी मिरर.कॉम)
                      -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-26.01.2023-गुरुवार. 
=========================================