बाल-गीत-योगेश खडीकर-खोडी माझी काढाल तर अशी मारीन फाइट

[Atul Kaviraje]

                     "काही गाणी आठवणीतली, काही साठवणीतली !"
                    -------------------------------------------

मित्र/मैत्रिणींनो,

     आज ऐकुया, "काही गाणी आठवणीतली, काही साठवणीतली !" या गीत-मालिके -अंतर्गत, श्री योगेश खडीकर यांनी गायिलेले एक बाल-गीत. या गीताचे शीर्षक आहे- "खोडी माझी काढाल तर अशी मारीन फाइट"

                         "खोडी माझी काढाल तर अशी मारीन फाइट"
                        ----------------------------------------
 
खोडी माझी काढाल तर अशी मारीन फाइट,
घटके मध्ये विरून जाईल सारी तुमची ऐट, सारी तुमची ऐट !

अंगावरती याल तर असा देइन ठोसा,
कोपऱ्यात जाउन तुम्ही रडत बसा, जावा रडत बसा !

बजरंग माझा भाऊ भीम माझा काका,
सांगुन ठेवतो पुन्हा माझ्या वाटे जाऊ नका, वाटे जाऊ नका !

दंड माझे पाहा कसे रोज दूध पितो,
अंगामध्ये ताकद आहे मग कोण भीतो, मग कोण भीतो ?

===========
गीत - शांता शेळके
संगीत - मीना खडीकर
स्वर - योगेश खडीकर
===========

--प्रकाशक : शंतनू देव
(FRIDAY, FEBRUARY 4, 2011)
---------------------------------

                  (साभार आणि सौजन्य-माणिक-मोती.ब्लॉगस्पॉट.कॉम)
                             (संदर्भ-♫ गाणीमराठी.com ♫♪)
                 -----------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-27.01.2023-शुक्रवार.
=========================================