श्रवणीय मराठी गाणी-Ekda Kay Zala-बाळाला झोप का ग येत नाही… अंगाई

[Atul Kaviraje]

                                 "श्रवणीय मराठी गाणी"
                                --------------------

मित्र/मैत्रिणींनो,

     आज ऐकुया,"श्रवणीय मराठी गाणी" या गीत-मालिके-अंतर्गत, "Ekda Kay Zala" या चित्रपटातील एक गाणे. या गाण्याचे बोल आहेत- "बाळाला झोप का ग येत नाही..."

(सुनिधि चौहान यांनी मराठीत गायलेली पहिली अंगाई... बाळाला झोप का गं येत नाही...)
--------------------------------------------------------------------------

                         "बाळाला झोप का ग येत नाही... अंगाई"
                        -----------------------------------

निजली रात निजे चांदोबाही
बाळाला झोप का ग येत नाही
सांगता सांगता माझी दमली कहाणी
मिटावीत फुले तशी मिटू दे पापणी
गुणगुण करतांना शिणली अंगाई

धावुनिया तुझ्यापाठ दिस गेला सारा
घरभर सारा तुझ्या खेळाचा पसारा
मागितले जे जे तुला दिले मी आणून
सारे देता येते नीज आणावी कुठून ?
ज्योत जीवाची जीवाने का रे उजळत नाही ?

नको दचकू असा मी कुठे जात नाही
बाळ जागे आणि कधी निजते का आई ?
फार फार भागलास आता घे विसावा
सारा सारा शिणवटा मिटू मिटू यावा
तुझे सोसणे हे मला सोसवत नाही

==============================
Balala Zop Ka ga Yet Nahi Angai Song Credits:--
Movie – Ekda Kay Zala
Music – Dr.Saleel Kulkarni
Lyrics – Sandeep Khare
Singer – Sunidhi Chauhan
==============================

--lkadmin
(July 27, 2022)
------------------

                     (साभार आणि सौजन्य-संदर्भ-लैरिकस कट्टा.कॉम)
                    -------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-28.01.2023-शनिवार.
=========================================