इतर कविता-(क्रमांक-121)-क्षितीजाचे तट फोडून धावे

[Atul Kaviraje]

                                      इतर कविता 
                                    (क्रमांक-121)
                                   ---------------

मित्र/मैत्रिणींनो,

     "इतर  कविता"  अंतर्गत  मी  इतर  कवींच्या  कविता  आपणापुढे  सादर  करीत आहे .

                                क्षितीजाचे तट फोडून धावे
                               -----------------------

क्षितीजाचे तट फोडून धावे
अश्व सनातन मार्गावरती.

पायतळी चुरल्या काळाचा
चुरा पथावर उडतो भवती.

रवी-शशीचे परजीत पलिते
स्वार तयावर बसला आहे.

अश्व न जाणे स्वार न जाणे
प्रवास कुठला कसला आहे.

–कुसुमाग्रज
-----------
--संकलक-सुजित बालवडकर
--------------------------

                  (साभार आणि सौजन्य-मराठी कविता.वर्डप्रेस.कॉम)
                 ---------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-29.01.2023-रविवार.
=========================================