मला आवडलेल्या चारोळ्या-चारोळी क्रमांक-202

[Atul Kaviraje]

                                 मला आवडलेल्या चारोळ्या
                                    चारोळी क्रमांक-202
                                -----------------------

मित्र/मैत्रिणींनो,

     --नवं-चारोळीकार  प्रेमाच्या  चारोळ्यांनी  प्रेमी  जीवांच्या  आयुष्याचे  प्रत्येक  प्रेम-क्षण कसे  रंगवून  टाकत  आहे , पहा . त्याच्या  या  चारोळीतील  प्रियकराचे  हे  मनोगत  ऐका . त्याला  वाटतं , की  माझी  प्रेयसी  रोज  माझ्याबरोबर  यावी , आणि  आम्ही  दोघेही  फिरता  फिरता  मस्त  गप्पात  रंगून  जावे . आम्ही  एकमेकांच्या  सहवासIत  गुंग , मग्न  असताना  कोठल्यातरी  विचाराने  मग  तिने  दचकावं , आणि  आवेगाने  मला  बिलगावं . तिने  माझ्या  कुशीत  यावं , मला  घट्ट  मिठी  मारावी . पुढे  तो  म्हणतोय , की  प्रेमाची  ही  वाटचाल  जणू  सप्तरंगीच  आहे . ती  इंद्रधनूचेच  रंग  ल्याली  आहे . आणि  अश्या  रंगी-बेरंगी  वाटचालीत , प्रवासात  मला  माझ्या  प्रेयसीची  आयुष्यभराची  सोबत  हवी , साथ  हवी . असे  सुख-स्वप्न   रंगवणारे  प्रेमी-जोडपे  आपल्याला  वारंवार , नेहमीच  भेटत  असतात .

==============================
💝 "चालताना हळूच दचकून माझ्या कुशीत येणारी प्रेयसी हवी,
प्रेमाच्या या सप्तरंगी वाटचालित मला तुझी साथ हवी".💘
==============================

--नवं-चारोळीकार
----------------

                  (साभार आणि सौजन्य-संदर्भ-क्रिएटर मराठी.कॉम)
                 --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-05.02.2023-रविवार.
=========================================