व्हॅलेन्टाईन्स डे-प्रेम दिवस-कविता-1-प्रेम

[Atul Kaviraje]

                             "व्हॅलेन्टाईन्स डे-प्रेम दिवस"
                            -------------------------

मित्र/मैत्रिणींनो,

     आज दिनांक-१४.०२.२०२३-मंगळवार आहे. "व्हॅलेन्टाईन्स डे" हा "प्रेम दिवस" म्हणून १४ फेब्रुवारी रोजी जगभर साजरा केला जातो. हा एक ख्रिश्चन सण सुद्धा आहे. हा दरवर्षी १४ फेब्रुवारी या दिवशी साजरा केला जातो. या दिवशी लोक आपल्या आवडत्या व्यक्तीला शुभेच्छा संदेश, फुले किंवा चॉकलेट पाठवून प्रेम व्यक्त करतात. मराठी कवितेच्या माझ्या सर्व मराठी बंधू-भगिनी कवी-कवयित्रीस प्रेम-दिनाच्या अनेक हार्दिक आणि प्रेम शुभेच्छा. वाचूया प्रेमावर काही कविता.

                                       "प्रेम"
                                      -------

सौम्य रुपेरी नाजूक कोमल स्पर्श होतो मला

स्पंदने हृदयाची देती सहवास मला ।।धृ।।


येता तू स्वप्नी माझ्या खूप काही बोलावे,

बोलून झाले तरीही खूप काही उरावे

दिसता तू माझ्या मनी मजसी भुलवावे ।।१। I


प्रश्न पडती माझिया मनी उत्तरे काही मिळेना,

स्पंदने बोलती हृदयाची तेही काही कळेना

लपुन राहती मनचे मोती माझ्या हृदयाच्या खुणा ।।२।।


उडाली फुलपाखरे हृदयाच्या फुलावरची,

गाती गोड रुपेरी गाणी फक्त तुझिया रुपाची

सांगती फुलपाखरे तुच माझिया हृदयाची ।।३।।

--संगीत कडू
-------------

                     (साभार आणि सौजन्य-संदर्भ-स्टोरी मिरर.कॉम)
                     -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-14.02.2023-मंगळवार.
=========================================