व्हॅलेन्टाईन्स डे-प्रेम दिवस-कविता-6-पाऊस पहिल्या प्रेमाचा

[Atul Kaviraje]

                              "व्हॅलेन्टाईन्स डे-प्रेम दिवस"
                             -------------------------

मित्र/मैत्रिणींनो,

     आज दिनांक-१४.०२.२०२३-मंगळवार आहे. "व्हॅलेन्टाईन्स डे" हा "प्रेम दिवस" म्हणून १४ फेब्रुवारी रोजी जगभर साजरा केला जातो. हा एक ख्रिश्चन सण सुद्धा आहे. हा दरवर्षी १४ फेब्रुवारी या दिवशी साजरा केला जातो. या दिवशी लोक आपल्या आवडत्या व्यक्तीला शुभेच्छा संदेश, फुले किंवा चॉकलेट पाठवून प्रेम व्यक्त करतात. मराठी कवितेच्या माझ्या सर्व मराठी बंधू-भगिनी कवी-कवयित्रीस प्रेम-दिनाच्या अनेक हार्दिक आणि प्रेम शुभेच्छा. वाचूया प्रेमावर काही कविता.

                                  "पाऊस पहिल्या प्रेमाचा"
                                 ----------------------

मेघ दाटून आलेले

होता जूनचा प्रवास

आला पाऊस पहिला

झाला आनंद मनास


तिला बघीतले आज

भिजताना पावसात

होती जणू आनंदात

बळी मी गेलो प्रेमात



तिचे निनांद तेजस्वी

रूप आवडले मला

एक टक न्याहाळत

बसलोय जणू तिला


तिला आवडे पाऊस

मला ती पावसातच

जणू बळी गेलो होतो

मीच पहिल्या प्रेमातच


नाही विसरता येत

क्षण पहिल्या प्रेमाचे

त्याच क्षणाला मला

भाव कळले मनाचे


आले पहिले पाऊस

जणू प्रेमच घेऊन

गेले जेव्हा परतून

आले हृदय भरून

--उमेंद्र बीसेन
-------------

                      (साभार आणि सौजन्य-संदर्भ-स्टोरी मिरर.कॉम)
                      ----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-14.02.2023-मंगळवार.
=========================================