होळी व रंगपंचंमीवर कविता-होळीच्या रंगात रंगून जाऊया, दुःखे विसरुया, सुख वेचुया !

[Atul Kaviraje]

मित्र/मैत्रिणींनो,

     आज मी तुम्हाला, आगामी होळी व रंगपंचंमीवर उत्साही कविता-गीत ऐकवितो. "आज न छोड़ेंगे बस हमजोली, खेलेंगे हम होली"- या हिंदी गाण्यावर ते आधारित आहे. आशा आहे ते तुम्हाला आवडेल. भरभरून लाईक करा, व मला प्रोत्साहित करा. आपली फेब्रुवारी महिन्याची ही बुधवार-दुपार आनंदाची जावो, ही सदिच्छा.

--मूळ हिंदी गाणे-(आज न छोड़ेंगे बस हमजोली, खेलेंगे हम होली)
---------------------------------------------------------

               "होळीच्या रंगात रंगून जाऊया, दुःखे विसरुया, सुख वेचुया !"
              -----------------------------------------------------

होळीच्या रंगात रंगून जाऊया,
दुःखे विसरुया, सुख वेचुया !

होळीच्या रंगात रंगून जाऊया,
दुःखे विसरुया, सुख वेचुया !
रंगाचा एकच सण येतो वर्षभरात,
खुश होऊया, ख़ुशी पसरवूया !

होळीच्या रंगात रंगून जाऊया,
दुःखे विसरुया, सुख वेचुया !
नकोश्या आठवणींना जाळून टाकूया,
रंग उधळूया, हसुया, खेळूया !

होळीच्या सणात आनंद वाटूया
चला साऱ्यांना रंग लावूया
तन भिजवूया, मन भिजवूया,
कुठलीच बंधने नको पाळूया.

प्रत्येकाला आपापली सुख-दुःखे आहेतच
प्रत्येकाने आपापले नशीब भोगायचेच
कुणी हसतोय, तर कुणी रडतोय,
सारे विसरून, मनात उत्साह भरुया.

कुणी रंगात रंगून अंग भिजवतोय
कुणी डोळ्यातल्या अश्रूंनी पापण्या सजवतोय
सर्व सर्व बहाणे आज बाजूस सारूया,
एका नव्या जीवनाची सुरुवात करूया.

कुणाचे सुख त्याला सोडून गेलंय
तर दुःखानेच मनात घर केलंय
या दुःखालाच पिचकारीत भरुया,
अन सुखाचा गुलाल उधळूया.

मनामनात नवी उमेद जागवूया
प्रत्येकाच्या मनात प्रवेश करूया
चला आज शत्रूलाही मित्र बनवूया,
एका नवीन नात्याची साखळी गुंफूया.

होळी आहे रंगाचा सण
होळी आहे प्रेमाचा सण
उत्तम पुरणपोळीचा बेत करूया,
घास घेऊया, प्रेमे मुखे भरवूया.

होळीच्या रंगात रंगून जाऊया,
दुःखे विसरुया, सुख वेचुया !

होळीच्या रंगात रंगून जाऊया,
दुःखे विसरुया, सुख वेचुया !
रंगाचा एकच सण येतो वर्षभरात,
खुश होऊया, ख़ुशी पसरवूया !

होळीच्या रंगात रंगून जाऊया,
दुःखे विसरुया, सुख वेचुया !
नकोश्या आठवणींना जाळून टाकूया,
रंग उधळूया, हसुया, खेळूया !

-----श्री.अतुल एस.परब(अतुल कवीराजे)
-----दिनांक-15.02.2023-बुधवार.
=========================================