इतर कविता-(क्रमांक-139)-आई दे

[Atul Kaviraje]

                                       इतर कविता 
                                     (क्रमांक-139)
                                    --------------

मित्र/मैत्रिणींनो,

     "इतर  कविता"  अंतर्गत  मी  इतर  कवींच्या  कविता  आपणापुढे  सादर  करीत आहे .

                                         आई दे
                                        -------

आई दे..,वा ... आया दे
काहीही कर, माया दे

दे द्यायाची आहे तर,
विषयावाचुन काया दे

दे प्रेमाला जीवन दे
जावू दे ते वाया...दे

कानी दुष्प्रवृत्तीच्या,
सत्वृत्तीचा फाया दे

रेड्यांना दे वेद तरी,..
मजला गाणी गाया दे

सूर्यालाही तेज मिळो,
बाकीच्यांना छाया दे

– प्रा. डॉ. संतोष कुलकर्णी, उदगीर
-------------------------------
--संकलक-सुजित बालवडकर
--------------------------

                   (साभार आणि सौजन्य-मराठी कविता.वर्डप्रेस.कॉम)
                  ---------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-16.02.2023-गुरुवार.
=========================================