II छत्रपती शिवाजी महाराज जयंती II-कविता-3

[Atul Kaviraje]

                            II छत्रपती शिवाजी महाराज जयंती II
                           --------------------------------- 

मित्र/मैत्रिणींनो,

     आज दिनांक-१९.०२.२०२३-रविवार आहे. छत्रपती शिवाजी महाराज यांची तारखेनुसार आज जयंती आहे. छत्रपती शिवाजी महाराज स्वत:च राज्य निर्माते होते. शुन्यातून जग निर्माण करण्याची जिद्द व हिंमत त्यांच्यात होती. मातोश्री जिजाबाईंचे प्रोत्साहन, गुरुवर्य दादोजी कोंडदेव यांचे मार्गदर्शन आणि मावळ्यांच्या मदतीने त्यांनी हिंदवी स्वराज्याची स्थापना केली. जिजाऊंचं एकच स्वप्न होतं, ते म्हणजे मराठी स्वराज्याची स्थापना करायचं. छत्रपतींनी आपल्या मुत्सद्दीगिरी, शौर्य व आत्मबळावर हे स्वप्न साकार करुन दाखविलं. (१९ फेब्रुवारी १६३०) ही शिवरायांची जन्मतारीख स्वीकारली. त्याप्रमाणे महाराष्ट्र सरकार दरवर्षी १९ फेब्रुवारी या दिवशी सुटी जाहीर करते. मराठी कवितेच्या माझ्या सर्व बंधू-भगिनी कवी-कवियत्रीस छत्रपती शिवाजी महाराज जयंतीच्या हार्दिक शुभेच्छा. वाचूया, शिवाजी महाराजांच्या काही कविता.   

छत्रपति शिवाजी महाराज कविता--

शंकरासम रौद्र रूप तुझं
वाऱ्यासम तुझी गती...
महाराष्ट्राच्या डोंगरदऱ्यातही
अजरामर झाली तुझी किर्ती...
तुच दाखवलासी या
जगास गनिमी कावा...
तुझ्या रक्तामधूनी घडला
धर्मरक्षक महापराक्रमी छावा...
ठेचून काढल्यास तू
गनिमांच्या स्वराज्यावरील नजरा....
अश्या या माझ्या
स्वराज्यनिर्मात्या छत्रपती राजाला
मानाचा मुजरा..... मानाचा मुजरा...
=========================================

नभी चंद्र,सुर्य,
तारे सगळे मिळुनी जयघोष
करिती त्रिखंडात गाजत राही
माझ्या राजाची जयंती..
=========================================

मराठी माणसावर शिवरायाच्या रूपाने केले
संस्कारांचे बीजारोपण तू माऊली! तुझ्या
संस्कारातून बहरलेल्या दोन वटरुक्षानी दिली
महाराष्ट्राला हिंदवी स्वराज्याची सावली !
=========================================

--बी डी आंबरेकर
----------------

           (साभार आणि सौजन्य-संदर्भ-स्टेटस.entrepreneurship d.कॉम)
          -----------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-19.02.2023-रविवार.
=========================================