मला आवडलेल्या चारोळ्या-चारोळी क्रमांक-230

[Atul Kaviraje]

                                मला आवडलेल्या चारोळ्या
                                   चारोळी क्रमांक-230
                               ------------------------

मित्र/मैत्रिणींनो,

     --नवं-चारोळीकार  आज  एक  पावसाची  चारोळी  आपल्याला  सुचवत  आहे . तो  म्हणतोय , पावसाच्या  दिवसात  पाऊस  हा  पडणारच . पण  हा  पाऊस  काही जणांना  मुळी  आवडतंच  नाही . अश्या   या  लोकांवर  ताशेरे  ओढताना  तो  सांगतो , की  अश्या   लोकांनी  बाहेरदेखील  फिरकू  नये . चक्क  दार  लावून  गप्प ,चुप्प , चिडी-चुप्प  चार  भिंतींमध्ये  स्वतःला  डांबून  ठेवावं  , कोंडून घ्यावं . त्यांना  या  पावसाची  मजा  काय  हो  कळणार  ? याउलट  काही  लोक  अशी  असतात , की  ती  पावसाची  चातकाप्रमाणे  वाट  पाहत  असतात . आणि  तो  दिसला , तो  आला , तो  बरसला  की  एखाद्या  लहान , अजाण , अल्लड  मुलाप्रमाणे  खेळू  लागतात , बागडू  लागतात , आनंदी  होतात . त्यातली  काही  लोक  चक्क  पावसात  उगीच , विनाकारण  भिजत  राहतात . तर  काही  वाट  फुटेल  तिथे  भटकू  लागतात . दिशाहीन  फिरू  लागतात . माथ्यावर  पावसाचे  छप्पर  आणि  खाली  पावलांना भूमी  असा  हा  मेळ  त्यांना  सापडल्यावर  ती  मग  अथक  चालू  लागतात .

======================
💘"आभाळ बरसताना सरळ दार लावून घ्यावं
नाहीतर स्वत:ला दिशाहीन जाऊ द्यावं."💘
======================

--नवं-चारोळीकार
----------------

                  (साभार आणि सौजन्य-संदर्भ-क्रिएटर मराठी.कॉम)
                 --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-05.03.2023-रविवार.
=========================================