होळी-रंगपंचमी-कविता-15

[Atul Kaviraje]

                                     होळी-रंगपंचमी
                                    --------------

मित्र/मैत्रिणींनो,

     आज दिनांक-०६.०३.२०२३-सोमवार आहे. आज होळी आहे. चला तर साऱ्यांनी दुष्ट प्रवृत्तींना होळीत जाळून, सुष्ट गोष्टींना जीवनात स्थान देऊया. मराठी कवितेच्या माझ्या सर्व भाऊ-बहीण कवी-कवियत्रींना होळीच्या अनेक हार्दिक शुभेछया. वाचूया, तर होळीच्या काही कविता--

प्रेम-रंग...

रंग लावून जाईन मी,
कोणता? हे विचारू नको;
मन फितूर भासले तर,
ही चोरी का? विचारु नको;
रंग, पंचमीचा आहे,
सांग गुलाबी वाटतो का?
झाकल्या क्षणात डोळे,
मी लावल्या रंगाचा,
क्षण आठवतो का?
रंगाचा त्या अर्थ,
कळला जर तूला
तूच उत्तर शोधून घे;
अन् आवडलाच रंग,
तुला ही तर,
मग विलंब नको,
थेट आयुष्यातच ये...

--कु.अक्षरा संतोष ढगे
--------------------

                   (साभार आणि सौजन्य-संदर्भ-मराठी कन्टेन्ट.कॉम)
                  --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-06.03.2023-सोमवार.
=========================================