होळी-रंगपंचमी-कविता-21

[Atul Kaviraje]

                                    होळी-रंगपंचमी
                                   --------------

मित्र/मैत्रिणींनो,

     आज दिनांक-०६.०३.२०२३-सोमवार आहे. आज होळी आहे. चला तर साऱ्यांनी दुष्ट प्रवृत्तींना होळीत जाळून, सुष्ट गोष्टींना जीवनात स्थान देऊया. मराठी कवितेच्या माझ्या सर्व भाऊ-बहीण कवी-कवियत्रींना होळीच्या अनेक हार्दिक शुभेछया. वाचूया, तर होळीच्या काही कविता--

आला रंगांचा सण.
मौज मस्ती धुमशान.
आज घराघरात पुरण पोळी रे.
आज वर्षाची होळी आली रे.

जन भेटीस जाऊ.
शुभेच्छा देऊ घेऊ.
लावु रंग गुलाल भाळी रे.
आज वर्षाची होळी आली रे.

रंगात रंगती सारे.
चहुकडे मस्तीचे वारे.
रंगात चिंब सारी झाली रे.
आज वर्षाची होळी आली रे.

सुरक्षेचं भान राखू.
शुध्द रंग उधळू माखू.
रसायन ,घाण नको मळी रे.
आज वर्षाची होळी आली रे.

राग-द्वेष ,मतभेद विसरू.
प्रेम,शांती चहुकडे पसरू.
होळी इडा पीडा दु:ख दर्द जाळी रे.
आज वर्षाची होळी आली रे.

--कवी : बाळासाहेब तानवडे
-------------------------

                      (साभार एवं सौजन्य-संदर्भ-अजब गजब.कॉम)
                     ----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-06.03.2023-सोमवार.
=========================================