नेट-भेट-गीत-भेट-23-असता समीप दोघे हे

[Atul Kaviraje]

                                     "नेट-भेट"
                                    गीत-भेट-23
                                   ------------

मित्र/मैत्रिणींनो,

     "नेट-भेट" च्या अंतर्गत आज पाहूया आणि ऐकुया एका सुंदर आणि प्रसिद्ध गाण्याची भेट. या गाण्याचे बोल आहेत- "असता समीप दोघे हे"

                                "असता समीप दोघे हे"
                               ---------------------

असता समीप दोघे हे ओठ मूक व्हावे
शब्दांविना परंतू बोलून सर्व जावे

अतृप्त मीलनाचे, विरहातही सुखाचे
विश्वाहुनी निराळे हे विश्व प्रेमिकांचे !

फसवा वरून राग, रुसव्यात गाढ प्रीती
होता क्षणिक दूर वेडी मनात भीती
दिनरात चिंतनाचे अनिवार कौतुकाचे
विश्वाहुनी निराळे हे विश्व प्रेमिकांचे !

दूरातही नसावा दोघांमध्ये दुरावा
स्पर्शाविना सुखाने हा जीव मोहरावा
ओठी फुलून यावे स्मित गोड सार्थकाचे
विश्वाहुनी निराळे हे विश्व प्रेमिकांचे !

============
गीतकार -शान्‍ता शेळके
संगीतकार -एन्‌. दत्ता
गायिका -आशा भोसले
============

                  (साभार आणि सौजन्य-संदर्भ मराठी सॉंग्स.नेटभेट.कॉम)
                 ------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-07.03.2023-मंगळवार.
=========================================