कां जीव घाबरावा ?

[drapkulkarni]

कां जीव घाबरावा ?


कांट्यास पार करता, नव्हत्या पदी चढावा
मज हार आज मिळता, कां जीव घाबरावा?

ओठात ना कधी ही, माझ्या गीतास जागा
साथीस स्वर येता, कां जीव घाबरावा ?

केला प्रवास सहजी, मी उंच पर्वतांचा
येता उतार आता, कां जीव घाबरावा ?

मी तप्त त्या उन्हांचा, गेलो न सांवलीला
येता पहाटवारा, कां जीव घाबरावा ?

युद्धात ना कधीही, मृत्युस पाठ दिसली
येता सुखान्त आता, कां जीव घाबरावा ?
-अशोक

[Chait]

lovely...mast