II छत्रपती शिवाजी महाराज जयंती II-कविता-4

[Atul Kaviraje]

                            II छत्रपती शिवाजी महाराज जयंती II   
                           ---------------------------------
       
मित्र/मैत्रिणींनो,

     आज दिनांक-१०.०३.२०२३-शुक्रवार आहे. आज श्री शिवरायांची जयंती आहे. महाराष्ट्रातच नाही तर अवघ्या जगात ज्यांच्या किर्तीचा डंका आजतागायत अजरामर आहे ते शक्तीशाली नाव म्हणजे छत्रपती शिवाजी महाराज. दरम्यान महाराष्ट्रात शिवजयंती करण्याबाबत दोन गट असल्याचे पाहायला मिळते. काही जण शिवजयंती तारखेनुसार साजरी करतात तर काही जण शिवजयंती तिथीनुसार साजरी करतात. लक्षणीय बाब म्हणजे तिथीनुसार दरवर्षी शिवजयंती १० मार्चला साजरी केली जाते. मराठी कवितेच्या माझ्या सर्व भाऊ-बहीण कवी-कवयित्रींनी, शिवाजी महाराज जयंतीच्या हार्दिक शुभेच्छा. वाचूया, काही कविता.

                शिवाजी महाराज कविता मराठी 2023--

आई जिजाऊंच्या पोटी जन्मला
एक महापराक्रमी तारा
नाव शिवाजी
अवघ्या महाराष्ट्राला होता तो प्यारा

तोरणा जिंकून महाराष्ट्राचा
पाया त्यांनी रोवला
आज लाज वाटते मला
त्यांचाच भगवा आजच्या मावळ्यांनी
दारूच्या दुकानावर नेऊन मांडला

होता धिप्पाड असा अफजल खान
त्याच्या पोटातल्या आतड्या बाहेर काढणारा
तेवढा एकच जन्मला वाघ

स्वराज्यावर केली वाकडी नजर
त्याची बोटे उडवली चार
शत्रूस केले ठार
हातात घेऊनी भवानी तलवार
झेंडा फडकवला भगवा
इतिहासाला जोडले सोनेरी पान

आज लाज वाटते मला
कारण त्यांचाच भगवा
आजच्या मावळ्यांनी
दारूच्या दुकानावर
नेऊन रोवला

आम्ही विसरून गेलो
तेव्हा मावळ्यांच्या हृदयात
महाराज बसलेले होते
हृदय फाडले तरी
शिवछत्रपती दिसत होते

विसरलो सगळं आम्ही
फक्त 19 फेब्रुवारी आणि 12 मार्च लक्षात असते
झेंडा बांधून गाडीला दारूच्या नशेत
जय जिजाऊ जय शिवराय म्हणत असते

इतिहासाच्या पानात
मातीच्या कणात
रयतेच्या मनात
सगळ्यांनी तो इतिहास
वाचलेला असतो

राज्याचे ते एकच जाहले छत्रपती
जनतेचे ते होते जीव की प्राण
साऱ्या मावळ्यांची होती ती शान

त्यांनी दाखवलेला मार्ग विसरलो आम्ही
जातीतच भेदभाव करतो
आता भगवा कधी हिरवा,
कधी निळा, कधी पिवळा झेंडा
घेऊन फिरत असतो

महाराष्ट्रात तर त्याचा आहे ज्यांनी
आपल्यासाठी गमावला
स्वतःचा प्राण
पण विसरलो आम्ही त्या मावळ्यांना
अशी अवस्था आहे आज

अरे शिवबा म्हणजे महाराष्ट्राचा श्वास
शिवबा म्हणजे आपला ध्यास
उडल्या चिंध्या उडली माती
रक्तात त्यांच्या महाराष्ट्राची ज्योती

शिवरायांचे नाव जरी घेतले
तरी फितुरांवर तुटून पडत होती मावळी
अशी होती माझ्या राजाची कीर्ती
त्यांच्या नावाला सुद्धा फीतुर घाबरत होती

अरे 33 कोटी देवांपेक्षा
उपकार त्यांचे या महाराष्ट्रावर आहे
थोडे विचार बाळगा त्यांचे
एवढेच सांगायचे आहे

थोर उपकार जिजाऊंचे
संभाजीना धर्मवीर करून गेले
राज्याचे राजे
शिवछत्रपती या मातीला
सोनं करून गेले

मावळ्यांच्या रक्ताने
वादळ भगव पेटून गेले
लाज वाटते आम्हाला
त्यांचे विचार आम्ही
फेकून दिले
लाज वाटते आम्हाला
त्यांचे विचार आम्ही
फेकून दिले

घेऊन तुमचा भगवा
दुकानावर टांगून गेले !
घेऊन तुमचा भगवा
दुकानावर टांगून गेले !!

                         (साभार आणि सौजन्य-संदर्भ-ऑर्डर.इन)
                        ------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-10.03.2023-शुक्रवार.
=========================================