नेट-भेट-गीत-भेट-29-अशी पाखरे येती आणिक स्मृती ठेवुनी जाती

[Atul Kaviraje]

                                      "नेट-भेट"
                                     गीत-भेट-29
                                    ------------

मित्र/मैत्रिणींनो,

     "नेट-भेट" च्या अंतर्गत आज पाहूया आणि ऐकुया एका सुंदर आणि प्रसिद्ध गाण्याची भेट. या गाण्याचे बोल आहेत- "अशी पाखरे येती आणिक स्मृती ठेवुनी जाती"

                         "अशी पाखरे येती आणिक स्मृती ठेवुनी जाती"
                        ----------------------------------------

अशी पाखरे येती आणिक स्मृती ठेवुनी जाती
दोन दिसांची रंगत संगत दोन दिसांची नाती

चंद्र कोवळा पहिलावहिला
झाडामागे उभा राहिला
जरा लाजुनी जाय उजळुनी काळोखाच्या राती

फुलून येता फूल बोलले
मी मरणावर हृदय तोलले
नव्हते नंतर परी निरंतर गंधित झाली माती

हात एक तो हळु थरथरला
पाठीवर मायेने फिरला
देवघरातिल समईमधुनी अजून जळती वाती

कुठे कुणाच्या घडल्या भेटी

गीत एक मोहरले ओठी
त्या जुळल्या हृदयांची गाथा सूर अजुनही गाती

==============
गीतकार -मंगेश पाडगावकर
संगीतकार -यशवंत देव
गायक -सुधीर फडके
==============

                  (साभार आणि सौजन्य-संदर्भ मराठी सॉंग्स.नेटभेट.कॉम)
                 ------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-13.03.2023-सोमवार.
=========================================