दिन-विशेष-लेख-जागतिक ग्राहक हक्क दिन

[Atul Kaviraje]

                                  "दिन-विशेष-लेख"
                              "जागतिक ग्राहक हक्क दिन"
                             --------------------------

मित्र/मैत्रिणींनो,

     आज दिनांक-१५.०३.२०२३-बुधवार आहे, मार्च १५ हा दिवस "जागतिक ग्राहक हक्क दिन " म्हणूनही ओळखला जातो. वाचूया, तर या दिवसाचे महत्त्व, आजच्या या "दिन-विशेष-लेख" या शीर्षकI-अंतर्गत. .

     World Consumer Rights Day 2022 : 15 मार्चलाच 'जागतिक ग्राहक दिन' का साजरा केला जातो? जाणून घ्या कारण...

     World Consumer Rights Day 2022 : वस्तू खरेदी करताना कुठल्याही आमिषाला बळी न पडता वस्तूची पारख नीटनेटकी करून घ्यावी. याबाबत जागरूकता निर्माण करण्यासाठी जागतिक ग्राहक हक्क दिन साजरा केला जातो.

     World Consumer Rights Day 2022 Know history significance and importance of the day World Consumer Rights Day 2022 : 15 मार्चलाच 'जागतिक ग्राहक दिन' का साजरा केला जातो? जाणून घ्या कारण...

     World Consumer Rights Day 2022 : ग्राहकांना हक्कांची जाणीव व्हावी आणि तो बाजारात खरेदीच्या हक्कांबाबत सक्षम व्हावा, यासाठी विविध संघटना विविध कार्यक्रमांच्या माध्यमातून जागरूकता निर्माण करतात. यासाठीच 15 मार्च हा दिवस जागतिक ग्राहक हक्क दिन (World Consumer Rights Day) म्हणून साजरा केला जातो. उद्या (15 मार्चला) जगभरात साजरा होणाऱ्या या दिनाचे महत्व जाणून घ्या.

            ग्राहक दिनाचे महत्व (World Consumer Rights Day 2022 Importance) :--

     15 मार्च 1962 साली अमेरिकेचे तत्कालीन अध्यक्ष जॉन केनेडी यांनी अमेरिकन संसदेपुढे केलेल्या भाषणात तेथील ग्राहकांना सुरक्षिततेचा हक्क, माहितीचा, निवडीचा आणि प्रतिनिधित्व चार हक्क प्रदान केले. त्यानंतरच्या कालावधीत ग्राहक संस्थांच्या जागतिक संघटनेने संयुक्त राष्ट्रसंघाशी चर्चा आणि पाठपुरावा करून मुलभूत गरज पुरविण्याचा हक्क, तक्रार निवारण्याचा हक्क, ग्राहक शिक्षणाचा हक्क आणि स्वच्छ पर्यावरणाचा हक्क या आणखी चार ग्राहक हक्कांना आंतरराष्ट्रीय मान्यता मिळाली.

     वस्तू खरेदी करताना कुठल्याही आमिषाला बळी न पडता वस्तूची पारख नीटनेटकी करून घ्यावी. वस्तूची ऑनलाईन खरेदी करताना सुद्धा ग्राहकांनी सावधगिरी बाळगायला हवी. याबाबत जागरूकता निर्माण करण्यासाठी हा दिन साजरा केला जातो. जागतिकीकरणाच्या स्पर्धात्मक युगात ग्राहकांसाठी हा दिन साजरा होणे गरजेचे आहे. ग्राहकांना सेवा पुरवताना होणाऱ्या हलगर्जीपणामुळे 1960 मध्ये अमेरिकेत अध्यक्षीय निवडणुकीमध्ये ग्राहकांच्या प्रश्नांचा निचरा करण्यासाठी एक व्यासपीठ तयार करण्यात आले आणि त्यासाठीचे जागतिक स्तरांवर पाठपुरावेही करण्यात आले. त्याला यूनेस्कोनेही मान्यता दिली. त्यानुसार दरवर्षी 15 मार्च हा दिवस जागतिक ग्राहक दिन म्हणून साजरा केला जातो.   

       ग्राहकांनी वस्तू खरेदी करताना काळजी घेण्यासारख्या काही महत्वाच्या गोष्टी :--

फसव्या जाहिरातींना बळी पडू नका.
वस्तू खरेदी करताना एम.आर.पी. पेक्षा जास्त किंमत देऊ नका.
वस्तू खरेदी करताना बिल मागावे.
सोने खरेदी करताना हॉलमार्ककडे लक्ष द्या.
डबाबंद खाद्य पदार्थांची व्यवस्थित पाहणी करा.
वस्तू खरेदी करताना एक्सपायरी डेट तपासून पहा.
पेट्रोल पंपावर पेट्रोल भरताना शून्य तपासा नंतरच पेट्रोल भरा.
ऑनलाईन खरेदी करताना सजग राहा.
वस्तू खरेदी करताना त्याची पूर्ण माहिती जाणून घ्या.

--एबीपी माझा वेब टीम
--प्रिया मोहिते
(14 Mar 2022)
---------------------

                 (साभार आणि सौजन्य-संदर्भ-मराठी.एबीपी लाईव्ह.कॉम)
                 ------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-15.03.2023-बुधवार.
=========================================