II श्री हनुमान जयंती II-हनुमान जयंती-कविता-1

[Atul Kaviraje]

                                   II श्री हनुमान जयंती II
                                  ---------------------

मित्र/मैत्रिणींनो,

     आज दिनांक-०६.०४.२०२३-गुरुवार आहे. आज "हनुमान जयंती" आहे.  हनुमान जयंती म्हणजे हिंदू देवता हनुमान यांचा जन्मदिवस होय. चैत्र महिन्यातील पौर्णिमा तिथीच्या दिवशी सूर्योदयाच्या वेळी हनुमान जयंती साजरी केली जाते. या दिवशी हनुमानाच्या देवळात सूर्योदयाच्या आधीपासून षोडशोपचार पूजेला तसेच कीर्तनाला प्रारंभ करतात. मराठी कवितेच्या माझ्या सर्व बंधू-भगिनी कवी-कवयित्रींनी हनुमान जयंतीच्या अनेक हार्दिक शुभेच्छा. वाचूया, तर काही कविता.

                                     "हनुमान जयंती"
                                    ---------------

जय हनुमान दैवत माझे

सिंहासनी बहू साजे

कीर्ती त्रिभुवनी गाजे

अंतरी माझ्या सदा विराजे....


अश्यक्य ते शक्य

करावे ज्याने

त्याशी नमन माझे


जय श्री हनुमंता....

पाहावे ती पूर्व

ज्याने पाहिला प्रथम सूर्य

नाही धरिला गर्व


त्याचे चरण धरू सर्व....

सकल कार्याशी साधन

माझा श्री हनुमंत

गुणांचा गुणवंत


मला करी जो भाग्यवन्त....

आशीर्वाद तयाचा

लाभू दे आम्हास


जय श्री हनुमंत

पाव तू सर्व जनास...

प्रार्थना भोळी भाबडी

स्वीकारी तू हनुमंता


कृपा सदैव असुदे आम्हांवरी

आशीर्वाद तुझा लाभो सदा

              आम्हा भाग्यवंता..!

--प्रशांत शिंदे
------------

                       (साभार आणि सौजन्य-संदर्भ-स्टोरी मिरर.कॉम)
                      -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-06.04.2023-गुरुवार.
=========================================