II श्री हनुमान जयंती II-वीर हनुमान-कविता-4

[Atul Kaviraje]

                                   II श्री हनुमान जयंती II
                                  ---------------------

मित्र/मैत्रिणींनो,

     आज दिनांक-०६.०४.२०२३-गुरुवार आहे. आज "हनुमान जयंती" आहे.  हनुमान जयंती म्हणजे हिंदू देवता हनुमान यांचा जन्मदिवस होय. चैत्र महिन्यातील पौर्णिमा तिथीच्या दिवशी सूर्योदयाच्या वेळी हनुमान जयंती साजरी केली जाते. या दिवशी हनुमानाच्या देवळात सूर्योदयाच्या आधीपासून षोडशोपचार पूजेला तसेच कीर्तनाला प्रारंभ करतात. मराठी कवितेच्या माझ्या सर्व बंधू-भगिनी कवी-कवयित्रींनी हनुमान जयंतीच्या अनेक हार्दिक शुभेच्छा. वाचूया, तर काही कविता.

                                     "वीर हनुमान"
                                    -------------

गदाधारी द्रोणधारी, एकनिष्ठ सेवेकरी

वायुसंगे विहंगतो, वायूपुत्र हनुमान/

हनुमान जय जय, जय हनुमान//धृ//


पिता केसरी वानर, माता अंजनीचे परं

शंकर किरपा तत्पर, रामभक्त हनुमान।

हनुमान जय जय, जय हनुमान।।१।।


चैत्र पूनवेला बाळ, किष्किंधाचे पायी वाळ

सुर्य गिळंक्रूत चाळ, बालबुद्धी हनुमान।

हनुमान जय जय, जय हनुमान।।२।।


श्री राम सुग्रीव भेटी, सीतामाई शोधा पोटी

दिली निशान अंगठी, एक निष्ठ हनुमान।

हनुमान जय जय, जय हनुमान।।३।।


दक्षिणेस समुद्र तो, उन वारा पाऊस तो,

अडथळ्यास झेलितो, लंकास्वार हनुमान।

हनुमान जय जय, जय हनुमान।।४।।


सीतामाईस शोधता, विश्वास आई वाटता

उत्पात लंका करितो, रामदूत हनुमान।

हनुमान जय जय, जय हनुमान।।५।।


श्री राम रावणा युद्ध, लक्ष्मण होता बेशुद्ध

हाती द्रोणागिरी शुद्ध, शक्तिमान हनुमान।

हनुमान जय जय, जय हनुमान।।६।।


गाव तिथे हनुमान, पार विसावा सन्मान

शिवबा किल्ले कमान, रामदासी हनुमान।

हनुमान जय जय, जय हनुमान।।७।।

--दत्तात्रयगीर गोसावी
-------------------

                        (साभार आणि सौजन्य-संदर्भ-स्टोरी मिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-06.04.2023-गुरुवार.
=========================================