II बाबासाहेब आंबेडकर जयंती II-डॉ.बाबासाहेब आंबेडकर-पोवाडा-कविता-2

[Atul Kaviraje]

                             II बाबासाहेब आंबेडकर जयंती II
                            ------------------------------

मित्र/मैत्रिणींनो,

     आज दिनांक-१४.०४.२०२३-शुक्रवार आहे. आज  "बाबासाहेब आंबेडकर जयंती" आहे. बाबासाहेब आंबेडकर जयंती (आंबेडकर जयंती किंवा भीम जयंती) हा डॉ. बाबासाहेब आंबेडकर यांचा जन्मदिवस आणि एक प्रमुख भारतीय सण व उत्सव आहे. हा सण दरवर्षी १४ एप्रिल रोजी भारतासह जगभरात साजरा केला जातो. हा सामाजिक, सांस्कृतिक तसेच धार्मिक स्वरूपाचा सण आहे. मराठी कवितेच्या माझ्या सर्व बंधू-भगिनी कवी-कवियत्रींना बाबासाहेब आंबेडकर जयंती च्या अनेक हार्दिक शुभेच्छा. वाचूया, काही कविता. 

                                "भीमा तू शिल्पकार घटनेचा"
                               -------------------------

भीमा तू शिल्पकार घटनेचा

घटनेचा मसुदा तूच लिहिला

लिहिला हक्क आणि कर्तव्याचा

कर्तव्याचा विसर आम्हा का पडला ?


पडला होता समाज होवून मृत

मृत शरीरात प्राण तो फुंकला

फुंकला असा त्वेशाने की तो

तो समाज खडबडून जागा जाहला


जाहला जगी बोलबाला संविधानाचा

संविधानाचा मार्ग नवा दाविला

दाविला बुध्द धम्माचा तो मार्ग

मार्ग समतेचा प्रत्येक नागरिकाला


नागरिकाला व्यक्ती म्हणून मानले

मानले पात्र दिले मताधिकाराला

मताधिकाराला ज्याने जाणले

जाणले आता राजा मतदार झाला


झाला भीमा शिष्य महात्मा फुलेंचा

फुलेंचा वाडा होता ज्या क्रमांकाचा

क्रमांकाचा तो क्रम कायम लक्षात

लक्षात ठेवा पसारा तेवढाच घटनेचा

--किशोर झोटे
-------------

                     (साभार आणि सौजन्य-संदर्भ-स्टोरी मिरर.कॉम)
                    -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-14.04.2023-शुक्रवार.
=========================================