प्रीत अपुली

[sulabhasabnis@gmail.com]

        प्रीत अपुली
प्राजक्तापरी प्रीत अपुली
दो हृदयातुन सदा बहरली
शांत जलावर चांदणे तरल
श्रावणातली मखमली हिरवळ
सुरम्य संध्यारंग नभातील
तशीच सुंदर प्रीत अपुली
रातराणीचा धुंद परिमळ
बकुळफुलांचा गंध दरवळ
जसे दरवळे चंदन शीतल
तशी सुगंधित प्रीत अपुली
सुख-दु:खांकित जीवन अपुले
गाढ प्रीतीने किती सावरले
सौख्याचे कण-कण वेचियले
शतजन्मीची प्रीत अपुली
       --------------------

[MK ADMIN]

EDIT this topic and give meaning full title. else it will be deleted automatically.