II अक्षय्य तृतीया II-अक्षय तृतीया-कविता-1

[Atul Kaviraje]

                                    II अक्षय्य तृतीया II
                                   ------------------

मित्र/मैत्रिणींनो,

     आज दिनांक-२२.०४.२०२३-शनिवार आहे. आज "अक्षय्य तृतीया" आहे. वैशाख महिन्यातील तृतीयेला चंदन मिश्रित पाणी व मोदकाच्या दानाने ब्रम्ह तसेच सगळे देवता प्रसन्न होतात. या दिवशी अन्न, वस्त्र, सोने आणि पाण्याचे दIन केल्याने अक्षय फळाची प्राप्ती होते. या दिवशी जे काही दान केले ते अक्षय होते आणि दान देणाऱ्याला सूर्यलोकाची प्राप्ती होते. मराठी कवितेच्या माझ्या सर्व भाऊ-बहीण, कवी-कवियत्रींना अक्षय्य तृतीया च्या अनेक हार्दिक शुभेच्छा. वाचूया तर काही कविता.

                                     "अक्षय तृतीया"
                                    --------------

अक्षय तृतीया । सण महत्त्वाचा

शुभ मांगल्याचा । संस्कृतीत ।।


सण तृतीयेचा । दिवस भाग्याचा ।

संसार सौख्याचा । जीवनात ।।


आज जन्म दिन । परशूरामाचा ।

नाश क्षत्रियांचा । केला होता ।।


चैत्राचा महिना । दान धर्म करा ।

समृद्धीने भरा । घर दार ।।


सुवर्ण खरेदी । दिन सौभाग्याचा ।

सगळ्या लोकांचा । भारतात ।।


नदी माय गंगा । आली ती धरणी ।

समृध्दी पेरणी । ती शेतात ।।


कैरी पन्हे डाळ । आमच्या गावात ।।

गौरी मंदिरात । नैवेद्याला ।।

--शोभा वागळे
---------------
                       (साभार आणि सौजन्य-संदर्भ-स्टोरी मिरर.कॉम)
                      -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-22.04.2023-शनिवार.
=========================================