II अक्षय्य तृतीया II-अक्षय तृतीया-कविता-2

[Atul Kaviraje]

                                     II अक्षय्य तृतीया II
                                    ------------------

मित्र/मैत्रिणींनो,

     आज दिनांक-२२.०४.२०२३-शनिवार आहे. आज "अक्षय्य तृतीया" आहे. वैशाख महिन्यातील तृतीयेला चंदन मिश्रित पाणी व मोदकाच्या दानाने ब्रम्ह तसेच सगळे देवता प्रसन्न होतात. या दिवशी अन्न, वस्त्र, सोने आणि पाण्याचे दIन केल्याने अक्षय फळाची प्राप्ती होते. या दिवशी जे काही दान केले ते अक्षय होते आणि दान देणाऱ्याला सूर्यलोकाची प्राप्ती होते. मराठी कवितेच्या माझ्या सर्व भाऊ-बहीण, कवी-कवियत्रींना अक्षय्य तृतीया च्या अनेक हार्दिक शुभेच्छा. वाचूया तर काही कविता.

                                     "अक्षय फल"
                                    ------------

अक्षय तृतीया| मास वैशाखाचा|

दिन मुहूर्ताचा| साडेतीन||


मंगल दिवस| असो पुराणात|

वा इतिहासात| यशस्कर||


पुरण पोळीचा| नैवेद्य करावा|

सोबत असावा| आमरस||


सोन्याची महती| देई शुभ फल|

समृद्ध सकल| परिवार||


पुण्य प्राप्त होते| करण्याने दान|

मिळे समाधान| जीवनात||


अखंड रहाते| सत्कर्म करून|

सन्मार्ग धरून| आचरण||


अक्षयाचे पात्र| सर्वांस लाभावे|

दुरित सरावे| प्रार्थना ही||

--दीपा वणकुद्रे
--------------

                        (साभार आणि सौजन्य-संदर्भ-स्टोरी मिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-22.04.2023-शनिवार.
=========================================