II रमजान ईद II-रमजान ईद-कविता-1

[Atul Kaviraje]

                                    II रमजान ईद II
                                   -----------------

मित्र/मैत्रिणींनो,

     आज दिनांक-२२.०४.२०२३-शनिवार आहे. आज "रमजान ईद" आहे. रमजान महिन्यातील रोजे संपल्यानंतर ईद येते. ईदला नवीन वस्त्र परिधान करून मुस्लिम बांधव ईदगाह किंवा मशिदीत नमाज अदा करायला जातात. अल्लाच्या प्रती नमाज अदा केल्यानंतर मुस्लिम बांधव एकमेकांना आलिंगन देऊन ईदच्या शुभेच्छा देतात. या दिवशी मित्र असो वा शत्रू ते दोघांची गळाभेट घेऊन शुभेच्छा देतात. मराठी कवितेच्या माझ्या सर्व मुस्लिम भाऊ-बहीण, कवी-कवियत्रींना रमजान ईद च्या अनेक हार्दिक शुभेच्छा. वाचूया रमजान ईद वर कविता.

                                      "रमजान ईद"
                                     -------------

ईद हो आनंदI फित्र असे दानI

मापदंड अन्नI शरीयत॥१॥


नववा महिना| तोच रमजान|

ते चंद्रदर्शनI रोजेदारा॥२॥


रमझचा अर्थ| असतो जाळणेl

रमजान म्हणे| पापे जाळा॥३॥


धर्माचा पाचवा| आधारस्तंभ हाI

स्वर्गाचे दावी हाI द्वार खुले॥४॥


कुराणाच्या सुरा| पैगंबर सांगेI

मिळे ईदी संगेI शिरखुर्मा॥५॥


शत्रू मित्र असोI गळाभेट होईI

उद्यालाही येईI बासी ईद॥६॥

--किशोर झोटे
-------------

                       (साभार आणि सौजन्य-संदर्भ-स्टोरी मिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-22.04.2023-शनिवार.
=========================================