महाराष्ट्र दिन-महाराष्ट्र असे राज्य आमुचे-कविता-5

[Atul Kaviraje]

                                                   "महाराष्ट्र दिन"
                                           ----------------

मित्र/मैत्रिणींनो,

     आज दिनांक ०१.०५.२०२३-सोमवार आहे. आज "महाराष्ट्र दिन" आहे. महाराष्ट्र दिन हा महाराष्ट्र राज्याचा निर्मिती दिवस म्हणून साजरा केला जातो. १ मे १९६० रोजी मुंबईसह संयुक्त महाराष्ट्राची राज्याची निर्मिती झालेली आहे. या दिवशी राज्यात सार्वजनिक सुट्टी असते. हा दिवस मराठी माणसाचा आहे आणि तो  मोठ्या उत्साहाने साजरा करतात, विविध कार्यक्रमांचे आयोजनही या दिवशी केले जाते. मराठी कवितेच्या माझ्या सर्व भाऊ-बहीण, कवी-कवियत्रींना महाराष्ट्र दिनाच्या अनेक हार्दिक शुभेच्छा. वाचूया काही कविता.

                               "महाराष्ट्र असे राज्य आमुचे"
                              -------------------------

रांगडे असे रुप सह्याद्रीचे

आभूषण तयावरी गडकिल्ल्यांचे

साक्षीदार ते शिवपराक्रमाचे

महाराष्ट्र असे राज्य आमुचे


ह्या मातीवर संस्कार संतांचे

विठ्ठल दैवत आम्हा वारकर्यांचे

विलोभनीय अनुभव पंढरीच्या वारीचे

महाराष्ट्र असे राज्य आमुचे


आठवावे रुप छत्रपती शिवरायांचे

स्वप्न केले साकार हिंदवी स्वराज्याचे

जन्मलो या मातीत, संचित पूर्वजन्माचे

महाराष्ट्र असे राज्य आमुचे


करुया स्मरण सावरकर, लोकमान्यांचे

नेत्रुत्व केले त्यांनी स्वातंत्र्य चळवळीचे

जहालतेने पेटवले स्वप्न स्वातंत्र्याचे

महाराष्ट्र असे राज्य आमुचे

--विशाल पुणतांबेकर
------------------

                        (साभार आणि सौजन्य-संदर्भ-स्टोरी मिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-01.05.2023-सोमवार. 
=========================================