महाराष्ट्र दिन-मी माणूस आहे-कविता-6

[Atul Kaviraje]

                                      "महाराष्ट्र दिन"
                                     --------------

मित्र/मैत्रिणींनो,

     आज दिनांक ०१.०५.२०२३-सोमवार आहे. आज "महाराष्ट्र दिन" आहे. महाराष्ट्र दिन हा महाराष्ट्र राज्याचा निर्मिती दिवस म्हणून साजरा केला जातो. १ मे १९६० रोजी मुंबईसह संयुक्त महाराष्ट्राची राज्याची निर्मिती झालेली आहे. या दिवशी राज्यात सार्वजनिक सुट्टी असते. हा दिवस मराठी माणसाचा आहे आणि तो  मोठ्या उत्साहाने साजरा करतात, विविध कार्यक्रमांचे आयोजनही या दिवशी केले जाते. मराठी कवितेच्या माझ्या सर्व भाऊ-बहीण, कवी-कवियत्रींना महाराष्ट्र दिनाच्या अनेक हार्दिक शुभेच्छा. वाचूया काही कविता.

                                    "मी माणूस आहे"
                                   ----------------

मी माणूस आहे खेड्यातला एक

म्हणणारे खुशाल म्हणोत

मजला वेड्यातला एक


शेतात रोज जातो

मोकळ्या वाऱ्यासवे गातो

राजा सर्जाशी बोलतो

नाही मनात कुठली मेख ||१||

मी माणूस आहे खेड्यातला एक.......


खळाळता नाद हा ओढ्याचा

तो सूर्योदय पहा पूर्वेचा

किलबिलाट मधुर पक्ष्यांचा

खेड्यातले हे जगणे किती सुरेख ||२||

मी माणूस आहे खेड्यातला एक........


महाराष्ट्र रांगडा माझा

राहतो खेड्यात माझा देश

बावळा दिसे जरी वेश

वागणे माझे असे नेक ||३||

मी माणूस आहे खेड्यातला एक ......


म्हणणारे खुशाल म्हणोत

मजला वेड्यातला एक.......

--अरविंद कुलकर्णी
-----------------

                        (साभार आणि सौजन्य-संदर्भ-स्टोरी मिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-01.05.2023-सोमवार. 
=========================================