बुद्ध पौर्णिमा-भगवान बुद्ध...-कविता-5

[Atul Kaviraje]

                                       "बुद्ध पौर्णिमा"
                                      --------------

मित्र/मैत्रिणींनो,

     आज दिनांक-०५.०५.२०२३-शुक्रवार आहे. आज "बुद्ध पौर्णिमा" आहे. गृहत्यागानंतर सिद्धार्थांनी सत्याच्या शोधासाठी सात वर्ष कठोर तपश्चर्या व साधना केली आणि त्यांना त्यानंतर त्यांना बोधगया येथील एका-बोधिवृक्षाखाली बुद्धत्व किंवा ज्ञानप्राप्‍ती झाली. ही घटना वैशाख पौर्णिमेला झाली. तेव्हापासून हा दिवस बुद्ध पौर्णिमा म्हणून ओळखला जातो. मराठी कवितेच्या माझ्या सर्व बंधू-भगिनी, कवी-कवियत्रींना बुद्ध पौर्णिमेच्या अनेक हार्दिक शुभेच्छा. वाचूया बुद्धावर काही कविता.

                                    "भगवान बुद्ध..."
                                   ----------------

...नाकारले राजपुत्र असूनपण युद्ध

तो होता तथागत गौतम बुद्ध...


..ज्यांनी दिला शांततेचा उपदेश

ज्ञानप्राप्तीसाठी सोडलं महालसुख

नी घातला भिक्षुकाचा वेश....


...आधी तर विशिष्ट लोकांची चालायचा हुकुम

का म्हणुन स्त्रीने सती जावे जर वारला नवरा

ज्यासाठी लावायची ती कपाळी कुमकुम....


...सरसकट व्हायचा मग वंचितांवर अन्याय

मागावा तरी कुठं नक्कि त्यांनी न्याय.....


..माणसांना जातीवर केलं जायचं वेगळ

फक्त जातीवरुन ओळखी व्हायचं सगळं.....


...पण बुध्दा तु मिटवलास माणसामाणसातील भेद

देवुन कर्मठ विचारसरणीला आधुनिकतेचा छेद...

--अंकित नवघरे
--------------

                        (साभार आणि सौजन्य-संदर्भ-स्टोरी मिरर.कॉम)
                        ----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-05.05.2023-शुक्रवार.
=========================================