बुद्ध पौर्णिमा-बुद्धपौर्णिमा-कविता-7

[Atul Kaviraje]

                                      "बुद्ध पौर्णिमा"
                                     --------------

मित्र/मैत्रिणींनो,

     आज दिनांक-०५.०५.२०२३-शुक्रवार आहे. आज "बुद्ध पौर्णिमा" आहे. गृहत्यागानंतर सिद्धार्थांनी सत्याच्या शोधासाठी सात वर्ष कठोर तपश्चर्या व साधना केली आणि त्यांना त्यानंतर त्यांना बोधगया येथील एका-बोधिवृक्षाखाली बुद्धत्व किंवा ज्ञानप्राप्‍ती झाली. ही घटना वैशाख पौर्णिमेला झाली. तेव्हापासून हा दिवस बुद्ध पौर्णिमा म्हणून ओळखला जातो. मराठी कवितेच्या माझ्या सर्व बंधू-भगिनी, कवी-कवियत्रींना बुद्ध पौर्णिमेच्या अनेक हार्दिक शुभेच्छा. वाचूया बुद्धावर काही कविता.

                                      "बुद्धपौर्णिमा"
                                     -------------

धन्य जाहली वैशाखी पौर्णिमा

सम्यक सम्बुद्ध सिद्धार्थ जन्मला

विश्वशांतीचा उद्गाता जगी

संदेश प्रेमाचा घेऊनी आला


अष्टांग मार्गाची शिकवण देऊनी

मानव कल्याणता रुजवुनी

धम्मज्योत पेटविली जगात

पंचशीलाचे पाजले पाणी


खीर प्राशुनी सुजाताची

बोधीसत्वाची प्राप्ती झाली

बोधीवृक्षाची महती कळली     

ज्ञानप्रकाशाची कळी उमजली   

           
तपश्चर्येचा मार्ग स्विकारुन                 

दु:खाचे मूळ सांगून गेला

ध्यानप्राप्ती करुन जीवनी

देह चंदनासम झिजवला


बुद्धविहारी मिळते शांती

ञिशरणाची ती मंजुळवाणी

स्पर्श करुनी जाती मनाला

स्तुप हा बुद्धाचा महान जगी


काव्यफुले वाहतो गौतमाला

ञिवार वंदन तथागताला

दिक्षा अमुल्या मिळाली आम्हाला

जीवन सार्थक झाले मानवाला

--राहुल साळवे
-------------

                       (साभार आणि सौजन्य-संदर्भ-स्टोरी मिरर.कॉम)
                      -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-05.05.2023-शुक्रवार.
=========================================