पाऊस नवा

[शिवाजी सांगळे]

पाऊस नवा

पाऊस नवा का दरवेळी वाटतो
कुणाच्यातरी दारावर कोसळतो

वास्तवात असो वा आठवणीत
उगाच का दरवर्षी नवा भासतो

अंगण, शाळा अन् कॉलेज मधे
तोही हुशार, वेगवेगळाच पडतो

संदर्भात असतो, तो ओलाचिंब
नकळत प्रत्येक मनात रेंगाळतो

आठवते जेव्हा छत्री नी रेनकोट
पाऊस पुन्हा अडगळीत भेटतो

सफर घडवतो, साऱ्या स्मृतींची
म्हणून पाऊस नवा नवा वाटतो

©शिवाजी सांगळे 🦋papillon
 संपर्क: +९१ ९५४५९७६५८९