II गुरुपौर्णिमा II-कविता-8

[Atul Kaviraje]

                                    II गुरुपौर्णिमा II
                                   ----------------

मित्र/मैत्रिणींनो,

     आज दिनांक-०३.०७.२०२३-सोमवार आहे. आज "गुरुपौर्णिमा" आहे. वर्षभरात १२ किंवा १३ पौर्णिमा येतात त्यापैंकी आषाढात येणारी पौर्णिमा गुरुंच्या स्मृतीत समर्पित केली जाते याच पौर्णिमेला गुरुपौर्णिमा म्हणतात. गुरुपौर्णिमेला व्यासपौर्णिमा असेही म्हणतात. ज्यांनी महाभारत, पुराणे लिहिली, त्या व्यासमुनींना वंदन करण्याचा, त्यांची पूजा करण्याचा हा मंगलदिन. आषाढ महिन्याच्या पौर्णिमेला गुरु पौर्णिमा म्हणतात. या दिवशी गुरुची पुजा केली जाते. आपल्या जीवनाला नवे, योग्य वळण देणाऱ्या गुरूजनांविषयी कृतज्ञता व्यक्त करण्याचा हा दिवस असतो. जे आपले जीवन अंधारातून प्रकाशाकडे घेऊन जातात त्यांचे पूजन या दिवशी लोक फार श्रद्धने करतात. मराठी कवितेच्या माझ्या सर्व भाऊ-बहीण, कवी-कवयित्रींना गुरु-पौर्णिमेच्या अनेक हार्दिक शुभेच्छा. वाचूया गुरु-पौर्णिमेवर काही कविता.

                                     "गुरु रविदास"
                                    --------------

                    (काव्यांजली)

वार रविवार

माघ पौर्णिमेचा दिवस

जन्मले रविदास

मांडुरगावी.


अनमोल रत्न

संत शिरोमणि रविदास

पिता राघवदास

जयाचे.


चर्मकार जरी

शिवले ना जोडे

मन दौडे

ईश्वरभक्तित.


रामानंद गुरु

असे गुरुबंधु कबीरा

संत मीरा

शिष्या.


केला उपदेश

चालावा सन्मार्ग सदा

कुकर्म कदा

नकोच.


वापरुनि बोलीभाषा

केला सत्कर्माचा अट्टाहास

भावले जनमनास

दोहे.


'पराधीनता पाप'

केली साहित्यातूनि बंडखोरी

समाजवादाची तुतारी

फुंकली.


गुरु नानक

गाती दोहे ,भजना

चाळीस रचना

गुरुग्रंथसाहेबी.


विचारांतूनि झळके

स्वातंत्र्य,बंधुता,मानवतावाद

एकजुट ,समाजवाद

रविदासाच्या.


राष्ट्रीय संत

असा गुरु रविदास

नमन खास

माझे.


जयंतीस खास

वाहते आज शब्दांजली

लिहून काव्यांजली

नम्रभावे.

--शैला अंभुरे
------------

                      (साभार आणि सौजन्य-संदर्भ-स्टोरी मिरर.कॉम)
                     -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-03.07.2023-सोमवार.
=========================================