II गुरुपौर्णिमा II-कविता-11

[Atul Kaviraje]

                                    II गुरुपौर्णिमा II
                                   ----------------

मित्र/मैत्रिणींनो,

     आज दिनांक-०३.०७.२०२३-सोमवार आहे. आज "गुरुपौर्णिमा" आहे. वर्षभरात १२ किंवा १३ पौर्णिमा येतात त्यापैंकी आषाढात येणारी पौर्णिमा गुरुंच्या स्मृतीत समर्पित केली जाते याच पौर्णिमेला गुरुपौर्णिमा म्हणतात. गुरुपौर्णिमेला व्यासपौर्णिमा असेही म्हणतात. ज्यांनी महाभारत, पुराणे लिहिली, त्या व्यासमुनींना वंदन करण्याचा, त्यांची पूजा करण्याचा हा मंगलदिन. आषाढ महिन्याच्या पौर्णिमेला गुरु पौर्णिमा म्हणतात. या दिवशी गुरुची पुजा केली जाते. आपल्या जीवनाला नवे, योग्य वळण देणाऱ्या गुरूजनांविषयी कृतज्ञता व्यक्त करण्याचा हा दिवस असतो. जे आपले जीवन अंधारातून प्रकाशाकडे घेऊन जातात त्यांचे पूजन या दिवशी लोक फार श्रद्धने करतात. मराठी कवितेच्या माझ्या सर्व भाऊ-बहीण, कवी-कवयित्रींना गुरु-पौर्णिमेच्या अनेक हार्दिक शुभेच्छा. वाचूया गुरु-पौर्णिमेवर काही कविता.

                                  "गुरु ज्ञानाचा सागर"
                                 ------------------

आई दैवत पाहिले असे विश्वाचे आगर

हर प्रश्नाचे उत्तर गुरु ज्ञानाचा सागर


आज पौर्णिमा दिवशीअनुसया घेत भेटी

दिली दिव्यत्व प्रचिती जगी दत्त प्रकटति


अदिमाया दिव्य मोठी जन्म त्रिदेवांस देई

दत्तगुरु लाभे जगीत्रैलोक्यास शिकवती


गुरु ज्ञानाचा ग मेरु गुरू कृपेचा निर्धारू

सर्व सुखाचा महमेरु दर्शनासी मेळ धरु


जीवनात ती आव्हाने करी मार्ग तो सुकर

गुरु ठायी सर्व पाही क्षणी पळे ते संकर


येता प्राण हा कंठाशी माय हृदयाशी घेती

गुरु जाणं खरा तोचि वैर भाव दुरावति


गुरु विद्येचा मार्गरु गुरु विण विद्या नाही

विद्ये विण मति नाही मति विण जग नाही


गुरु ज्ञानाचा सागरज्ञान विश्वाचे सादर

जन्म मातिचा तो गोळा गुरु देतसे आकार

--सारिका के. ऐवाले   
------------------

                       (साभार आणि सौजन्य-संदर्भ-स्टोरी मिरर.कॉम)
                      -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-03.07.2023-सोमवार. 
=========================================