II गुरुपौर्णिमा II-कविता-14

Atul Kaviraje · July 03, 2023, 05:46:02 PM

II गुरुपौर्णिमा II
----------------

मित्र/मैत्रिणींनो,

आज दिनांक-०३.०७.२०२३-सोमवार आहे. आज "गुरुपौर्णिमा" आहे. वर्षभरात १२ किंवा १३ पौर्णिमा येतात त्यापैंकी आषाढात येणारी पौर्णिमा गुरुंच्या स्मृतीत समर्पित केली जाते याच पौर्णिमेला गुरुपौर्णिमा म्हणतात. गुरुपौर्णिमेला व्यासपौर्णिमा असेही म्हणतात. ज्यांनी महाभारत, पुराणे लिहिली, त्या व्यासमुनींना वंदन करण्याचा, त्यांची पूजा करण्याचा हा मंगलदिन. आषाढ महिन्याच्या पौर्णिमेला गुरु पौर्णिमा म्हणतात. या दिवशी गुरुची पुजा केली जाते. आपल्या जीवनाला नवे, योग्य वळण देणाऱ्या गुरूजनांविषयी कृतज्ञता व्यक्त करण्याचा हा दिवस असतो. जे आपले जीवन अंधारातून प्रकाशाकडे घेऊन जातात त्यांचे पूजन या दिवशी लोक फार श्रद्धने करतात. मराठी कवितेच्या माझ्या सर्व भाऊ-बहीण, कवी-कवयित्रींना गुरु-पौर्णिमेच्या अनेक हार्दिक शुभेच्छा. वाचूया गुरु-पौर्णिमेवर काही कविता.

"गुरु......!"
------------

उंच झेप आमुची

गुरुजनांमुळे

साकारतील कोटी कुळे

गुरुजनांमुळे....!

आभाळ ठेंगणे होते

गुरुजनांमुळे

स्वप्ने फुलती नव्याने

गुरुजनांमुळे.....!

विद्याविभूषीत ज्ञानी

गुरुजनांमुळे

संकल्पना ,ध्येय नवे

गुरुजनांमुळे.....!

गीत उषःकालाचे

गुरुजनांमुळे

संशोधक शास्रज्ञ भूमी

गुरुजनांमुळे.....!

मूल्यशिक्षण शिदोरी संस्कार

गुरुजनांमुळे

भारतरत्न देशाभूषण

गुरुजनांमुळे.....!

संयम धीर विश्वास शिकवण

गुरुजनांमुळे

व्यक्तीमत्व नव्याने घडते

गुरुजनांमुळे......!

आदर्श नम्रता विनयता

गुरुजनांमुळे

गणवेश रुबाबी माझा

गुरुजनांमुळे....!

मान सन्मान आदर

गुरुजनांमुळे

पुण्याईची उघडली दारे

गुरुजनांमुळे.....!

आकांक्षांना बळ ताकद

गुरुजनांमुळे

उभारी पुन्हा झेप घेण्या

गुरुजनांमुळे.....!

जगणं ताठमानेचे

गुरुजनांमुळे

ज्ञानींयांचा देशआहे

गुरुजनांमुळे....!

--उमेश धस्के
------------

(साभार आणि सौजन्य-संदर्भ-स्टोरी मिरर.कॉम)
-----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-03.07.2023-सोमवार.
=========================================

Marathi Kavita : मराठी कविता

II गुरुपौर्णिमा II-कविता-14

Atul Kaviraje