II गुरुपौर्णिमा II-कविता-15

[Atul Kaviraje]

                                    II गुरुपौर्णिमा II
                                   ----------------

मित्र/मैत्रिणींनो,

     आज दिनांक-०३.०७.२०२३-सोमवार आहे. आज "गुरुपौर्णिमा" आहे. वर्षभरात १२ किंवा १३ पौर्णिमा येतात त्यापैंकी आषाढात येणारी पौर्णिमा गुरुंच्या स्मृतीत समर्पित केली जाते याच पौर्णिमेला गुरुपौर्णिमा म्हणतात. गुरुपौर्णिमेला व्यासपौर्णिमा असेही म्हणतात. ज्यांनी महाभारत, पुराणे लिहिली, त्या व्यासमुनींना वंदन करण्याचा, त्यांची पूजा करण्याचा हा मंगलदिन. आषाढ महिन्याच्या पौर्णिमेला गुरु पौर्णिमा म्हणतात. या दिवशी गुरुची पुजा केली जाते. आपल्या जीवनाला नवे, योग्य वळण देणाऱ्या गुरूजनांविषयी कृतज्ञता व्यक्त करण्याचा हा दिवस असतो. जे आपले जीवन अंधारातून प्रकाशाकडे घेऊन जातात त्यांचे पूजन या दिवशी लोक फार श्रद्धने करतात. मराठी कवितेच्या माझ्या सर्व भाऊ-बहीण, कवी-कवयित्रींना गुरु-पौर्णिमेच्या अनेक हार्दिक शुभेच्छा. वाचूया गुरु-पौर्णिमेवर काही कविता.

                                    "गुरुपौर्णिमा"
                                   ------------

मातृदेवोभव पितृदेवोभव

वेदांनी आरंभीच केला गौरव।

पहिला गुरु असते आई

चांगले संस्कार देई ठाई ठाई।

दुसरे गुरु असतात वडील

गर्दीत सावरतात आपले पाऊल।

लहानपणी खांद्यावर घेऊन

जग हे दाखवी

काय वर्णू मी त्यांची महती।

गुरुची थोरवी मी वर्णू काय

मातीच्या गोळ्याला देती सुंदर

आकार,

वंदू त्यांचे पाय ,देता आपल्याला

ज्ञानाचे भांडार।

लहान थोर सगळे गुरु माझे असती।

शिकवी दाण्याची मेहनत इवलीशी

मुंगी ती।

निसर्गाच्या कणाकणात गुरु दिसती मजला।

शिकते मी प्रत्येकाचा गुण चांगला

शिकते मी प्रत्येकाचा गुण चांगला

--समीक्षा जामखेडकर
-------------------

                        (साभार आणि सौजन्य-संदर्भ-स्टोरी मिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-03.07.2023-सोमवार.
=========================================